1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

An yi husufin rana a kasashen duniya da dama

Husufin rana ya ratsa wasu yankuna na Afirka da tekun Indiya a wannan Alhamis. Mutane a wasu yankunan Kwango da Ruwanda cike da al'ajabi sun taru domin kallon husufin ranar.

Indonesien Sonnenfinsternis

Husufin rana a kasashen duniya

Husufin dai makamancin wanda ake samu ne duk shekara, wanda ke faruwa idan duniyar wata ta gifta gaban rana. Husufin ya baiyana sosai a da'irar Afirka ta Yamma daga Gabon zuwa Kwango ya kuma dangana zuwa arewacin Mozambik..

Haka nan kuma husufin na rana ya baiyana sama-sama a sauran yankuna da suka hada da Tanzaniya da Madagaska. Mutane da dama wadanda ba su da masaniya game da aukuwar husufin sun yi mamakin yadda cikin kankanin lokaci yanayin rana a sararin samaniya ya sauya ya yi duhu.

Husufin dai ya dauki 'yan mintoci uku ne kacal. A kan sami husufin rana a bayan duk watanni goma sha takwas.