1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

An yi garkuwa da wasu mutane kusan 50 a Iraq

Rahotanni daga gabashin kasar Iraqi sun nunar da cewa wasu yan bindiga dadi sunyi garkuwa da wasu ma´aikata kusan 50, dake aiki a wani kamfani mai zaman kansa.

Yan bindiga dadin dake sanye da kayan yan sanda sun sanya mutanen ne a cikin wasu motoci kusan goma da suka je ma´aikatar dasu.

Kafin dai faruwar hakan sai da dakarun sojin Amurka suka gano gawarwakin mutane 18 a cikin wata mota kirar bus a yammacin Birnin Bagadaza.

A cewar jami´an tsaron kasar dukkannin matattun na sanye ne da ankwa a hannayen su, kuma da alama sai da aka gallaza musu kafin kashe su.