1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

An sake gwabza kazamin fada tsakanin ´yan tawaye da sojin Chadi

Sabon fada ya barke tsakanin ´yan tawayen Chadi da dakarun gwamnati a kewayen garin Biltine kwana daya bayan da rundunar soji ta sake kwace karamin garin dake gabashin kasar. Wani jami´in gwamnatin Chadi ya fadawa kamfanin dillancin labarun AFP cewar da sanyin safiyar yau fadan ya barke tsakanin dakarun gwamnati da ´yan tawaye. Jami´in ya ce dakarunsa sun kashe ´yan tawaye masu yawan gaske. To amma wani madugun ´yan tawaye ya ce dakarun gwamnatin sun yi ta kansu ne, bayan wani mummunan fada da aka gwabza a yankin a farkon wannan mako. Ya ce an yiwa dakarun gwamnatin kawanya inda suka yi ta kokarin kare kansu.