1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

An kafa dokar tabaci a birnin Bagadaza

A dangane da dauki ba dadi da ake ci-gaba da samu tsakanin sojojin sa kai daban daban da kuma jami´an tsaro, gwamnatin Iraqi ta kafa dokar ta baci tare da hana fita a babban birnin kasar. Hakan ya zo ne bayan wasu ´yan bindiga suka toshe hanya kana suka bude wuta akan ayarin motocin sintiri na sojin Amirka da na Iraqi a babban birnin. A kuma can garin Habhib dake arewa da birnin Bagadaza akalla mutane 12 sun rasu lokacin da wani bam da aka dana a gefen hanya ya fashe a wajen wani masallacin ´yan sunni. A garin na Habhib ne dai dakarun Amirka suka halaka shugaban al-Qaida a Iraqi Abu Musab Al-Zarqawi kimanin makonni biyu da suka wuce. A kuma can birnin Basra mutane sun rasa rayukansu a wani harin bam da aka kai da mota. A wani labarin kuma FM Iraqi Nuri al-Maliki ya saki karin firsinoni 500 daga gidan kurkukun Abu Ghraib. FM ya ce ya dauki wannan mataki wanda shi ne irinsa na 5 a wani yunkuri na yin sulhu da ´yan sunni.