1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

An hallaka jakadan Rasha da ke Turkiyya

Rasha ta sanar da rasuwar jakadanta na Turkiyya bayan da wani dan bindiga ya bude masa wuta a wani taro da ake gudanarwa a birnin Ankara.

Kamfanin dillancin labarai na RIA mallakin gwamnatin Rasha ya ce jakadan mai suna Andrey Karlov ya rasa ran nasa bayan raunuka da ya samu sakamakon wannan harbi kuma tuni fadar mulkin Rasha ta Kremlin ta danganta harin a matsayin aiki na ta'addanci. Majalisar Dinkin Duniya da sauran kasashe ciki kuwa har da Amirka sun yi Allah wadai da kisan Mr. Karlov inda suka bukaci lallai a gudanar da bincike don bakado wanda ke da hannu a kisan. A share guda magajin garin Ankara Melih Gökçek ya ce tuni suka kara matakan tsaro a ofishin jakadancin Turkiyya da ke birnin kana ya ce kisan Mr. Karlov wani yunkuri na dagula dangantaka tsakanin Rasha da Turkiyya.