An gabatar da tuhumar Fillion a hukumance

An gabatarwa da dan takarar shugabancin kasar Faransa Francois Fillion tuhume tuhumen da ake masa kan zargin amfani da dukiyar talakawa wajen biyan matarsa da 'ya'yansa albashi a kan aikin da basu yi ba.

Tuhumar dai ta kara dakushe damar tsohon Firaministan na samun nasara a zaben shugaban kasar da za'a gudanar a Faransar a ranakun 23 ga watan Aprilu da kuma 7 ga watan Mayu wanda ake hasashen zai kasance a kan gaba.

A ranar talatar nan ce dai alkalai masu gabatar da kara suka gabatar da tuhumar ga Francois Fillion a hukumance.

Sai dai kuma Fillion wanda yace bai aikata wani laifi ba, ya ci alwashin cigaba da yakin neman zabe.