An fara wani zagaye na tattaunawa tsakanin Solana da Larijani

Babban jami´in diplomasiyar KTT Javier Solana ya ce yana da kyakkyawan fata a tattaunawar da suka fara yau akan shirin nukiliyar Iran. To sai dai ya ce ba ya tsammani za´a cimma wani gagarumin sakamako. Solana ya nunar da haka ne a gaban manema labarai gabanin ya shiga tattaunawa da babban mai shiga tsakani na Iran akan shirinta na nukiliya Ali Larijani a birnin Lisbon na kasar Portugal. A jiya juma an jiyo shugaban hukumar kula da makamashin nukiliya ta kasa da kasa IAEA, wato Mohammed El-Baradei na cewa Iran ta nuna shirin komawa kan teburin shawarwari da hukumarsa.

O-Ton Baradei:

“Ina fatan cewa zamu koma kan teburin shawarwari a cikin ´yan makonni masu zuwa. Muna tsara wani shiri wanda nake fata zamu kammala shi a cikin watanni biyu. Larijani da kan shi yayi mana alkawarin cewa Iran zata yi aiki da mu don warware dukkan batutuwan da suka saura.”