1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW
Talabijin kai tsaye
Shirye-shiryen DW HausaBidiyo
Siyasa

An ceto ma'aikatan ma'adanai a Afirka ta Kudu

Abdullahi Tanko Bala
February 2, 2018

Aikin ceton ya fuskanci kalubale kasancewar ma'aikatan ma'adanan sun makale a rami mai zurfin mita 700 zuwa mita 2000 a karkashin kasa.

https://p.dw.com/p/2s1Ve
Südafrika Sibanye Goldmine Bergarbeiter Unglück
Hoto: Getty Images/AFP/G. Guercia

Ma'aikatan ceto a Afirka ta Kudu sun sami nasarar ceto dukkan ma'aikatan hakar ma'adai su 955 wadanda suka makale a karkashin kasa sakamakon katsewar wutar lantarki a mahakar zinare ta Beatrix dake kasar.

Hukumomi sun ce an ceto dukkan mutanen a ranarJuma'ar nan kuma babu wanda ya sami ko da kwarzane.

Dangi da 'yan uwan ma'aikatan sun yi ta sowa da murna yayin da aka fito da su daga karkashin kasar.

Kungiyar ma'aikatan ma'adanan ta yi kiran yayanta su bujire wa aiki a wurare masu hadari domin kare lafiyarsu.

Kwamitin majalisar dokokin Afirka ta Kudu mai kula da aikin hakar ma'adanai ya baiyana damuwa da aukuwar lamarin inda ya bukaci kamfanin ya dauki matakai domin kare aukuwar irin hakan a gaba.