Jami'an kasar kwango sun rasa izinin shiga Amirka

Sai dai sanarwar ta ma'aikatar harkokin wajen na Amirka ba ta fadi adadin wadannan jami'an gwamnatin ta Kwango ko kuma sunayensu ba, inda ta ce ko ma ba a sanar da sunayan mutanen ba, amma kuma hakan wani babban sako ne, domin cin hanci abu ne da ba za a yarda da shi ba, wanda ke dabaibaye manyan ma'aikatu na kasar.

Amirka dai ta sha alwashin yaki da cin hanci tare kuma da goyon bayan tsarin gudanar da zabukan kasar ta Kwango ta yadda ake fatan ganin a karon farko wani shugaba da ya gama mulki zai damka wa sabon shugaban da aka zaba ragamar mulki a kasar ta Kwango.