1. Tsallake zuwa shafin jadawali
  2. Tsallake zuwa jadawalin abubuwan da shiri ya kunsa
  3. Tsallake zuwa karin wasu shafukan DW

Amirka ta ce ya zama wajibi a dauki wani mataki a Darfur

September 23, 2006
https://p.dw.com/p/BuiU

Gwamnatin Amirka ta fara wani sabon yunkuri da nufin gano hanyar girke dakarun MDD a lardin Darfur mai fama da rikici dake yammacin kasar Sudan. Sakatariyar harkokin wajen Amirka Condoleezza Rice ta fadawa wani taron ministoci a gefen taron babbar mashawartar MDD a birnin New York cewa dole ne a dauki wani mataki akan yankin na Darfur.

Rice ta ce “Idan manufar mu shi ne daukar nauyin kare mafi rauni da marasa karfi a cikinmu, to dole mu rabu da fatar baka, mu dauki sahihan matakai a Darfur.”

A karshen watan agusta dai kwamitin sulhun MDD ya zartas da kuduri mai lamba 1706 wanda ya tanadi girke sojojin majalisar su dubu 17 da ´yan sanda dubu 3 don maye gurbin dakarun kiyaye zaman lafiya na kungiyar tarayyar Afirka a Darfur.