1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Alamun kawo karshen dambaruwar siyasa a Iraki

Kusan watanni 4 bayan zaben ´yan majalisar dokoki, yanzu an fara ganin la,amar kawo karshen dabaruwar siyasa a Iraki. Yanzu haka dai bayan FM Ibrahim al-Jaafari da ake kai ruwa rana a kansa ya sauka, kawancen jam´iyun ´yan shi´a sun amince su nada Jawad al-Maliki a mukamin sabon FM. an Sunni da kuma Kuradawa sun nuna alamun amincewa da nadin Maliki a matsayin magajin al-Jaafari. Takaddama da ake yi tsakanin Kurdawa da ´yan Sunni da kuma ´yan Shi´a dangane da mukamin FM ya janyo tarnaki ga shirin kafa gwamnati a Iraqi tun bayan zaben ´yan majalisar dokoki a cikin watan desamban bara. A yau asabar ake sa ran cewa majalisar dokokin Iraqi a birnin Bagadaza zata yi zama don duba batun raba manyan mukamai a cikin sabuwar gwamnatin da za´a kafa.