1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Al-Qaida a Pakistan ta musanta hannu a kisan Bhutto

Ɗan takifen nan mai alaƙa da ƙungiyar Al-Qaida a Pakistan Baitullah Mehsud ya musanta cewa yana da hannu a kisan gillan da aka yiwa tsohuwar Firaministan Pakistan Benazir Bhutto. Mehsud ya ba da wannan sanarwa ne bayan da ma´aikatar cikin gidan Pakistan ta zargi sojojin sa kai na al-Qaida da Taliban da hannu a harin ƙunar bakin waken da aka kai a birnin Rawalpindi, wanda yayi sanadiyar mutuwar Misis Bhutto. Da farko ma´aikatar cikin gidan ta ce ta tare wani sako na wani shugaban sojojin sa kai yana taya magoya bayansa murnar samun nasarar kashe Bhutto. Ana fama da zaman ɗar-ɗar a faɗin ƙasar ta Pakistan bayan wannan kisa. Kawo yanzu mutane akalla 32 suka rasa rayukansu a tashe tashen hankulan yin tir da kisan gillan.