1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Afirka ta Kudu: ANC na shan kaye a zabe

Babbar jam'iyyar adawa a Afirka ta Kudu wato DA ta samu kan jam'iyyar ANC mai mulki a zabukan kananan hukumomi da aka yi a sassan kasar daban-daban.

Daga cikin wuraren da jam'iyyar ta DA ta samu nasara har da babban birnin kasar Pretoria sai dai ya zuwa yanzu ba a kai ga samun sakamakon zaben a Johannesburg. Masu aiko da rahotannin dai na cewar daga dan abinda aka samu a wasu mazabun da ke Johannesburg wanda shi ne birni mafi girma a kasar, jam'iyyun biyu na yin kankankan. Za dai a samu kamalallen sakamakon zaben ne da misali hudu agogon GMT. Wannan dai shi ne karon farko da jam'iyyar ANC da ke rike da madafun iko ta samu koma baya a zabuka da aka gudanar a kasar tun bayan da aka kawo karshen mulkin wariyar launin fata a kasar.