1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Labarai

Abin fashewa ya raunata mutum 22 a Landan

Firaiministar Britaniya Theresa May ta ce za a ci gaba da karfafa tsaro a kasar bayan harin da aka kai da ya raunata mutane akalla 22.

Rundunar 'yan sanda a Britaniyan ta ayyana harin a matsayin na ta'addanci inda ta shawarci al'umma da su guji zuwa wurin da aka samu fashewar da ta haifar da rudani a tashar jirgin a yayin bincike gano wadanda suka kai wannan harin.

Magajin garin birnin Landan Sadiq Khan a jawabinsa ga manema labarai bayan aukuwar lamarin ya yi alla-wadai da abinda ya kira ayyukan muggan mutane da ke anfani da ta'addanci domin hana al'umma walwala, karo na biyar kenan da ake kai wa Britaniya hari a cikin wannan shekara ta 2017.