Ƙokarin Jamus na tallafawa ƙasashe masu raunin tattali
May 21, 2010Majalisar wakilai na Tarayyar na tattaunawa a birnin Berlin, a dangane da ko Jamus zata bayar da gudummowar euro miliyan dubu 750, domin ceto ƙasashen da ke da raunin tattalin arziki, kana ke cikin gungun ƙasashe da ke amfani da takardar kuɗin euro. Idan 'yan majalisar suka amince, Jamus zata iya bayar da gudummowar kusan euro miliyan dubu 150. Wannan dai batu ne daya kasance mai sarkakkiyar gaske a majalisar wakilan na Jamus, sai dai bisa dukkan alamu za a cimma amincewa da shi.
A yanzu haka dai ministocin harkokin kuɗi na turai dake taro yau a Brussels, sun mayar da hankalinsu kan mahawarar ta Berlin. Ana saran ministocin kuɗin zasu tattauna kan matsalolin bashin da ke addabar wasu ƙasashen dake amfani da takardun kuɗin na Euro.
Mawallafiya:Zainab Mohammed Edita Yahouza Sadissou