1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

منطقه

مردان مسلح افغان دو شهروند تاجیکستان را ربودند

مقامات دولتی تاجیکستان خبر داده اند که مردان مسلح افغان دو شهروند تاجیکستان را در منطقه مرزی ربوده اند و یکی دیگر را زخمی کرده اند. این مردان برای یک شرکت راه سازی کار می کردند.

این دو تبعه تاجیکستان روز جمعه در پی حمله مردان مسلح ربوده شدند و یک تن دیگر نیز در نتیجه شلیک آنان زخمی شده است.

یک مقام محلی تاجیکستان به خبرگزاری رویترز گفته است که حمله کنندگان آدم ربا قاچاقچیان بوده اند و ربوده شدگان برای پروژه بهسازی راه های مواصلاتی در ولسوالی شوراآباد در نزدیکی مرز با افغانستان کار می کردند.

یک مقام دولت مرکزی تاجیکستان در دوشنبه گفته است که امام علی رحمان رئیس جمهور این کشور دستور داده است تا اقدامات لازم برای اطمینان از آزادی این مردان ربوده شده انجام شود.

مقامات نیروهای مرزی تاجیکستان قابل دسترسی نبودند تا بتوان در مورد این رویداد از آن ها معلومات بیشتری کسب کرد.

اما هرازگاهی نیروهای مرزی تاجیکستان، از رویدادهایی خبر می دهند که آن ها را به قاچاقچیانی نسبت می دهند که گویا از کشور همسایه اش افغانستان وارد خاک این کشور می شوند.

Sowjetische Besetzung von Afghanistan NO FLASH

نیروهای گارد مرزی تاجیکستان در مرز با افغانستان.

بیست روز پیش نیز نیروهای مرزی تاجیکستان کشته شدن یک تن از افرادشان را در درگیری با گروهی کوچک از ملیشه های مسلح در منطقه مرزی تایید کردند.

خبرگزاری فرانسه به نقل از گارد مرزی تاجیکستان نوشت که گروهی از ملیشه های به شدت مسلح از ولایت کندز افغانستان وارد خاک تاجیکستان شده و بر پوسته مرزی "پنج" حمله کرده و یک نیروی مرزی تاجیکستان را کشتند. در آتشبازی متقابل یک ملیشه نیز کشته شد و یکی دیگر زخمی گردید.

تاجیکستان با افغانستان 1344 کیلومتر مرز مشترک دارد و در ماه های اخیر برای حفاظت از مرزهایش با افغانستان بیش از یک هزار نیروی مرزی را برای کنترول مرزش با افغانستان استخدام و موظف کرده است.

ولسوالی شورآباد، جایی که این شهروندان تاجیک ربوده شده اند مربوط به ولایت ختلان تاجیکستان است که در شمالشرق این کشور فقیر جمهوری شوروی سابق موقعیت دارد.

DW.COM