"በርካታ ጉድለቶች እንዳሉ እናምናለን" -ጠቅላይ ምኒስትር አብይ አሕመድ

የኢትዮጵያ የሕዝብ ተወካዮች ምክር ቤት የኢሕአዴግ ሊቀ-መንበር ዶክተር አብይ አሕመድን ጠቅላይ ምኒስትር አድርጎ ሾመ። የጠቅላይ ምኒስትሩን ሹመት ለምክር ቤቱ ያቀረቡት አቶ ሽፈራው ሽጉጤ ናቸው። የቀድሞው ጠቅላይ ምኒስትር በይፋ ሥልጣናቸውን ለአዲሱ ጠቅላይ ምኒስትር አስረክበዋል።

ጠቅላይ ምኒስትር አብይ በምክር ቤቱ ባሰሙት ንግግር "በርካታ ጉድለቶች እንዳሉ እናምናለን" ሲሉ ተናግረዋል። "ወቅቱ ከስህተታችን ተምረን አገራችንን የምንክስበት ነው" ያሉት ጠቅላይ ምኒስትሩ የሕግ የበላይነትን ለማስፈን ቃል-ገብተዋል።

ጠቅላይ ምኒስትሩ ኢትዮጵያ ከኤርትራ ጋር ያላትን ግንኙነት ለማሻሻል እሰራለሁ ብለዋል። የኤርትራ መንግሥትም በሁለቱ አገሮች መካከል ያለውን ልዩነት ለመፍታት እንዲሰራ ጥሪ አቅርበዋል። 

እሸቴ በቀለ