የኢትዮጵያን የሰብዓዊ መብት አያያዝ የሚተቸው የውሳኔ ሐሳብ

ኢትዮጵያ የሰብዓዊ መብት አያያዝ የሚተቸው እና HR 128 የተባለው ረቂቅ የውሳኔ ሐሳብ ድምፅ ይሰጥበታል የተባለው ባለፈው ወር ነበር። የውሳኔ ሐሳቡ ደጋፊዎች እንደሚሉት ረቂቁ ድምፅ ሳይሰጥበት የቀረው የኢትዮጵያ መንግሥት ባሳደረው ጫና ምክንያት ነው። HR 128 ላይ ድምፅ ከሰጠን የኢትዮጵያ መንግሥት ከዩናይትድ ስቴትስ ጋር ያለውን የጸጥታ ሥምምነት አቋርጣለሁ ብሏል ሲሉ ማይክ ኮፍማን ተናግረዋል። የኢትዮጵያ መንግሥት ችግሩን ከመፍታት እና ዴሞክራሲያዊ አገር ከመመስረት ይልቅ በወር 150,000 ዶላር እየከፈለ የውሳኔ ሐሳቡ ድምፅ እንዳይሰጥበት የሚወተውት ድርጅት ቀጥሯል ሲሉ ማይክ ኮፍማን ወቅሰዋል። ሒውማን ራይትስ ዎች ሌሎች  የሰብዓዊ መብት ተሟጋቾች ቀደም ብለው ረቂቅ የውሳኔ ሐሳቡ ላይ ድምፅ እንዲሰጥ የሚጠይቅ ደብዳቤ ለአሜሪካ የታችኛው ምክር ቤት አፈ-ጉባኤ ፖል ሪያን ፅፈው ነበር። 
መክብብ ሸዋ
እሸቴበቀለ
ሸዋዬ ለገሠ