አቶ ነጋሽ ደራሲ እና ጸሐፌ-ተውኔትም ነበሩ

አንጋፋው ጋዜጠኛ አቶ ነጋሽ ገብረማርያም ትላንት ሐምሌ 10 ቀን 2009 ዓ.ም ከዚህ ዓለም በሞት ተለይተዋል፡፡ አቶ ነጋሽ “አዲስ ዘመን” ጋዜጣ  መታተም ከጀመረበት ጀምሮ ለሃያ ዓመት ያህል በዋና አዘጋጅነት ያገለገሉትን ብላታ ወልደ ጊዮርጊስ ወልደዮሐንስን በመተካት ሁለተኛው የጋዜጣው አዘጋጅ በመሆን ሰርተዋል፡፡ የጋዜጠኝነት ትምህርታቸውን በአሜሪካ የተከታተሉት አቶ ነጋሽ የእንግሊዘኛው “ኢትዮጵያን ሄራልድ”ም አዘጋጅ ነበሩ፡፡ የኢትዮጵያ ዜና አገልግሎትን በሥራ አስኪያጅነት መርተዋል፡፡ ከጋዜጠኝነት ሙያቸው ባሻገርም በድርሰት እና የተውኔት ስራዎቻቸውም ይታወሳሉ፡፡ የሁለት ልጆች አባት የነበሩት የአቶ ነጋሽ ገብረማርያም የቀብር ሥነ-ስርዓት ዛሬ ከሰዓት በሰዓሊተ ምህረት ማርያም ቤተ-ክርስቲያን ተፈጽሟል፡፡ የአዲስ አበባው ወኪላችን ጌታቸው ተድላ ኃይለጊዮርጊስ በቅርብ ከሚያውቋቸው እና አብረዋቸው ከሰሩ ጋዜጠኞች ውስጥ  ላዕከማርያም ደምሴ እና ጸጋዬ ታደሰ በማነጋገር ተከታዩን ዘገባ አጠናቅሯል፡፡   

ጌታቸው ተድላ ኃይለጊዮርጊስ

ተስፋለም ወልደየስ

አዜብ ታደሰ