75 ኛዉ የድል ቀን በድመቀት ተከበረ

ሳምንቱን ሙሉ ሲከበር የዘለቀው 75ኛው ዓመት የአልማዝ እዮቤልዩ ድል በአል ዛሬ በደማቅ ሥነ- ስርዓት ተከብሮአል። ኢትዮጵያውያን ወራሪውን የፋሺስት ኢጣሊያ ኃይል ለማባረር ከአራቱም ማዕዘናት ያላቸውን ሁሉ ታጥቀው ሲዘምቱ አንድነታቸው ጠንካራ ነበር። ሚያዝያ 27 ቀን 1933 ዓ.ምለአምስት ዓመታት ኢትዮጵያን ቅኝ ለመግዛት ሙከራ ላይ የነበረዉ የጣሊያን ፋሺስት ሠራዊት ተሸንፎ ንጉሰ ነገስቱ ወደ መንበራቸው ዳግም መመለሳቸዉ ይታወሳል። ባለፉት ቀናቶች ኢትዮጵያ የአርበኞች ማኅበር 75ኛ ዓመት ኢዮቤልዩ ለማክበር ሲዘጋጅ የኢትዮጵያ ጀግኖች አርበኞች ማኅበር የ75ኛዉን የአልማዝ ኢዮቤልዩ ከፋሺስት ጣሊያን ጋር የተካሄደዉን ዉጊያ ጨምሮ ያለፉት የትግል ዘመናት ባልተዛባ ሁኔታ እንዲዘከሩና እና የታሪክ ሠሪዎቹም ገድል ሊታወቅ ይገባል በሚል የቴክኒክ አጋር እንዲሆነዉ ከኢትዮጵያ የደራሲያን ማኅበር ጋር በመተባበር መግለጫ መስጠታቸዉ ይታወሳል።

ጌታቸዉ ተድላ ኃይለጊዮርጊስ

አዜብ ታደሰ