ጠብታ አምቡላንስ | ጤና እና አካባቢ | DW | 10.07.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ጤና እና አካባቢ

ጠብታ አምቡላንስ

አደጋ በደረሰበት ስፍራ የተገኘ ማንኛዉም ሰብዓዊነት የሚሰማዉ ግለሰብ ተጎጂዉን ለመርዳት ጥረት ማድረጉ የማይቀር ነዉ። አደጋ ለደረሰበት ሰዉ በዚያዉ ስፍራ የሚሰጠዉ የመጀመሪያ ርዳታ በተለይ ጉዳቱ የጠና ከሆነ ወሳኝ መሆኑን ባለሙያዎች ያመለክታሉ።

ብዙዎች ስለህክምና ርዳታ ሲያስቡ አስቀድሞ የሚታያቸዉ ዶክተርና ሃኪም ቤት ነዉ። ደጋዉ በደረሰበት ስፍራ የሚሰጠዉ የመጀመሪያ የህክምና ርዳታ አደጋዉ ከባድ ከሆነ የተጎጂዉን ነፍስ ለማትረፍ፤ ደም ፈሶ ከሆነም የማቆም እንዲሁም አቅም ከፈቀደ የመተንፈሻ አካላት በቂ ኦክስጂን እንዲያገኙ ማድረግን በማካተቱ ወሳኝነት ይኖረዋል። የመጀመሪያ ህክምና ርዳታ ሰጪዉ ሙያዊ ስልጠና ያለዉ ከሆነ ደግሞ ተጎጂዉን ከህልፈተ ህይወትም ሆነ በአደጋዉ ምክንያት ሊደርስ ከሚችልም የአካል ጉዳት መታደግ ይቻላል።

Österreich Unfalltod von Jörg Haider in Lambichl bei Klagenfurt

ኢትዮጵያ ዉስጥ የግል የአምቡላንስ አገልግሎትን የጀመሩት አቶ ክብረት አበበ አደጋ የደረሰበትን ሰዉ ማንሳቱ ራሱ ሳይንስ እንደሆነ ነዉ የሚያስረዱት። ተጎጂዉን የማዳኑንም ተግባር እዚያዉ እንደሚጀምር ያስረዳሉ። ጠብታ አምቡላንስ በሚል የዛሬ ሶስት ዓመት በሶስት አምቡላንስ ሥራዉን የጀመረዉ ድርጅታቸዉ፤ ዛሬ የአምቡላንሱን ቁጥር አራት አድርሷል። አገልግሎቱም በዋና ከተማ አዲስ አበባ ብቻ ሳይወሰን በተፈለገበት ለርዳታ እንደሚደርስም ይናገራሉ። እንደምኞታቸዉ ቢሆን የአየር አምቡላንስንም ሀገሪቱ ማቅረብ ብትችል፤ ከጎረቤት ኬንያ፤ ደቡብ አፍሪቃም ሆነ ከሌሎች ሀገሮች የሚመጡ አገልግሎቶችን እዛዉ መስራት በተቻለ ይላሉ።

Piktogramm Erste Hilfe

በእሳቸዉ ዓላማና መነሳሳት የተቋቋመዉ ጠብታ የአምቡላንስ አገልግሎት ዛሬ ከአምስት በላይ ቋሚ ሠራተኞችንና ከአስር በላይ አማካሪዎችን ያካተተ ድርጅት ለመሆን መብቃቱንም አቶ ክብረት አበበ ገልፀዉልናል።

ሸዋዬ ለገሠ

አርያም ተክሌ

Audios and videos on the topic