1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

ግዕዝ ፊደል በዘመነ ኮምፒዩተር

ያለንበት 21ኛው ክፍለ ዘመን፤ ዘመነ መረጃ፣ ዘመነ ኮምፒዩተር መባሉ ያለምክንያት አይደለም::

default

መረጃ እንደልብ የሚሰራጭበት፤ የሰው ልጅ የደረሰበት እውቀት ለፈለገ ሁሉ በተፈለገ ግዜ የሚገኝበት መሆኑ ከከዚህ ቀደምቱ ዘመናት ስለሚለየው እንጂ:: በበለጸጉት ሀገራት በተለይ ኮምፒዩተር የማይገባበት የህይወት ዘርፍ የለምና፤ ያለኮምፒዩተር መኖር አዳጋች እሚመስልበት ደረጃ ላይ ተደርሷል:: በመልማት ላይ ያሉ ሀገሮች ግን፤ በኢኮኖሚ አልያም በትምህርት ኋላ በመቅረት፣ የዚህ ዕድል ሙሉ ተጠቃሚ አይደሉም:: ኢትዮጵያ አንዷ ናት:: የራሷ ብቻ የሆነ የግዕዝ ፊደል ባለቤት መሆኗ ደግሞ ተጨማሪ ፈተና አለው::ባለፉት 25 አመታት፣ ለኢትዮጵያ ቋንቋዎች ሁሉ የሚያጋለገልውን የጋራ ቅርሳችንን ፣ ግዕዝን በኮምፒዩተር መክተብ ከመጀመሩ በፊት፤ ፊደሉ የሚጻፈው በእጅ ወይም በማተሚያ ቤቶች ብቻ ነበር:: አሁን- አሁን ግን፤ የግዕዝ ፊደል ከኢንተርኔት መጠቀሚያ ቋንቋዎች ጎራ ገብቷል:: ያሁ፣ ጉግል እና ቢንግ በመባል በሚታወቁ የኢንተርኔት መረጃ መፈለጊያዎች ግዕዝን ካወቁት ሰንብቷል:: ማይክሮሶፍት በመባል የሚታወቀው ትልቁ የኮምፒዩተር ቴክኖሎጂ ኩባንያ ደግሞ በቅርቡ በአማርኛ መጠቀም የሚያስችል አሰራር አካቷል::

ንግሥት ሰልፉ፤

ተክሌ የኋላ

ሂሩት መለሰ

Audios and videos on the topic