1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ባህል

ጀርመን-ኢትዮጵያውያን ወጣቶች እና ዓመት በዓል

ለሌሎቹ የአዘቦት ቀን በሆነበት የኢትዮጵያውያን አዲስ ዓመት ዕለት ጀርመን የሚኖሩ ኢትዮጵያውያን ወጣቶች በዓሉን እንዴት አከበሩት? ባህልን በማስተዋወቁ ረገድስ ምን ያህል ዝግጁ ናቸው?

አነሰም በዛም ጀርመን የሚኖሩ ኢትዮጵያውያን እና ትውልደ ኢትዮጵያውያን የትናንትናውን መስከረም አንድ ቀን ፤ መልካም አዲስ አመት እየተባባሉ አሳልፈውታል።እዚህ ጀርመን የትናንትናው ቀን አስቦ የዋለው ደጀኔ ለገሰ የበርሊን ከተማ ነዋሪ ነው። ለዶክትሬት ትምህርት ወደ ጀርመን ከመጣ አራት ዓመታት ተቆጠሩ። በዓሉ ሐሙስ ዕለት በመዋሉ አስቦት ቢውልም ፤ ቅዳሜ ከጓደኞቹ ጋር ተሰብስቦ ለማክበር ተነስቷል።

ጀርመን ሀገር ተወልዳ ያደገችው ኢትዮ ጀርመናዊት ቤዛ ሀን፤ ስለ ኢትዮጵያውያን አዲስ አመት የምታውቀው ከቤተሰብ እና ጓደኞቿ ከሰማችው ቢሆንም በቅርብ ለምታውቃቸው ዘመዶቿ እና ጀርመናዊ ጓደኞቿ እንኳን አደረሳችሁ ብላለች።

ሌላው አዲስ አመቱን መነሻ በማድረግ ለዛሬ ያነጋገርነው የኮሎኝ ከተማ ነዋሪ የሆነው እስጢፋኖስ ሳሙኤልን ነው።ልክ እንደ ደጀኔ እስጢፋኖስም ስለ አውደ ዓመት ሲያስብ ትዝ የሚለው ቤተሰቡ እና የተጋበዙ እንግዶችን መጠበቅ ነው።ከዚህም ሌላ እስጢፋኖስን የኢትዮጵያ አዲስ ዓመትን መነሻ አድርጎ አንድ ፕሮግራም አዘጋጅቷል። ሁሉንም ከድምፅ ዘገባው ያገኙታል።

ልደት አበበ

ተክሌ የኋላ

Audios and videos on the topic