1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አውሮጳ/ጀርመን

ዶናልድ ትራምፕ የጀርመን ጉብኝት

የዩናይትድ ስቴትሱ ፕሬዚዳንት ዶናልድ ትራፕም በሰሜናዊ ጀርመን በሚካሄደዉን የቡድን 20 ጉባዔ ላይ ለመካፈል ጀርመን ሃምቡርግ ከተማ ገቡ። ቡድን 20 በመባል የሚታወቀው በኢንዱስትሪ የበለፀጉ ጠንካራ ኤኮኖሚ ያላቸው ሀገራት የሁለት ቀን ጉባዔ አርብ ሀሙቡርግ ውስጥ ይጀምራል።

አውዲዮውን ያዳምጡ። 02:01

ትራምፕ በቡድን 20 ጉባዔ ላይ ፑቲንን ለመጀመርያ ጊዜ ያገኝዋቸዋል ተብሎ በጉጉት እየተጠበቀ ነዉ።

ትራምፕ ወደ ጀርመን ከመምጣታቸዉ በፊት በፖላንድ አጭር ጉብኝት አድርገዋል። ትራምፕ በፖላንድ ዋርሶ ጉብኝታቸዉ በሰጡት ጋዜጣዊ መግለጫ « አፍራሽ ባህሪ ያላት» ሲሉ ሩስያ ላይ ትችት አሰምተዋል።  

«አሜሪካ  በመካከለኛው ምስራቅ እና በምስራቅ አውሮጳ ውስጥ ሰላምና ደህንነትን ለማስጠበቅ ቁርጠኛ ሆናለች። በሩሲያ  አፍራሽ ባህሪ  ላይ ምላሽ ለመስጠት ከፖላንድ ጋር እየሰራን ነው። ፖላንድ  የፋይናንስ ግዴታዎቻችን ከሚያሟሉ ጥቂት የኔቶ አባል አገሮች አንዷ በመሆኗ በምሳሌ የምትጠቀስና ነች፤ አመስጋኞችም  ነን። »

ትራምፕ ይህን የተናገሩት ዋርሶ ላይ ከፖላንዱ ፕሬዚዳንት አድሬዚጅ ዱዳ ጋር በጋራ በሰጡት ጋዜጣዊ መግለጫ ላይ ነዉ። የፕሬዚዳንት ትራምፕን ወቀሳ ተከትሎ  « ይህን አይነቱን አቀራረብ አንቀበልም፤ በዚህም ምክንያት የሁለቱ ሃገራት ፕሬዚዳንቶች ፊት ለፊት እስኪገናኙ እንጠብቃለን » ሲል ሞስኮ የሚገኘዉ የፕሬዚዳንታዊዉ ቢሮ አንድ ቃል አቀባይ መግለፁ ታዉቋል።  ትራምፕ በሃምቡርግ በሚካሄደዉ የቡድን 20 ጉባዔ ላይ ቭላድሚር ፑቲንን ለመጀመርያ ጊዜ ያገኝዋቸዋል ተብሎ በጉጉት እየተጠበቀ ነዉ።

በአዉሮጳ የሦስት ቀናት ፖለቲካዊ ዉይይታቸዉን ዛሬ ፖላንድ ላይ የጀመሩት የዩናይትድ ስቴትሱ ፕሬዚዳንት ዶናልድ ትራምፕ ከጥቂት ደቂቃዎች በፊት ከጀርመንዋ መራሂተ መንግሥት አንጌላ ሜርክል  ጋር ሃምቡርግ ከተማ ዉስጥ ተነጋግረዋል። ትራምፕ በዚሁ ቆይታቸዉ ከጃፓኑ ጠቅላይ ሚኒስትር ሺንዞ አቤ እና ከደቡብ ኮርያዉ ፕሬዚዳንት ሙን ጃይ ኢን ጋር በሰሜን ኮርያ ጉዳይ እንደሚነጋገሩም ታዉቋል። የቡድን 20 ጉባዔን የምታስተናግደዉ የጀርመን መራሂተ መንግሥት አንጌላ ሜርክል በጉባዔዉ ላይ ለመገኘት ጀርመን የመጡ የተለያዩ  ሃገራት ርዕሳነ ብሔራትና መራህያነ መንግሥታትን ተቀብለዉ እያነጋገሩ ነዉ። ቡድን 20 በመባል የሚታወቀው በኢንዱስትሪ የበለፀጉ ጠንካራ ኤኮኖሚ ያላቸው ሀገራት የሁለት ቀን ጉባዔ አርብ ሀሙቡርግ ውስጥ ይጀምራል።

አዜብ ታደሰ

አርያም ተክሌ

Audios and videos on the topic