1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አፍሪቃ

ደቡብ አፍሪቃ የኢትዮጵያዉያን መከራ

ደቡብ አፍሪቃ ዉስጥ የታሰሩ 55 ኢትዮጵያዉን ገንዘብ ካልከፈላችሁ ከእስር ቤት አትወጡም ተብለዉ መያዛቸዉ ተሰማ። ይህን የገለፁልን ለዶይቼ ቬለ በእጅ ስልክ የፅሁፍ መልዕክት የላኩልን እዚያ የሚገኙ ኢትዮጵያዊ ሲሆኑ ከተያዙት መካከል ገንዘብ ከፍለዉ የተወሰኑት መለቀቃቸዉን ገልጸዉልናል።

የኢትዮጵያ ኤምባሲ ስለጉዳዩ የሰማዉ እንደሌለ ነዉ ለዶይቼ ቬለ የገለፀዉ። ወደደቡብ አፍሪቃ ለመግባት የሚሞክሩ ኢትዮጵያዉያን ደቡብ አፍሪቃ የሚገኘዉ የኢትዮጵያ ማኅረሰብ ሊቀመንበር አቶ ታምሩ አበበ እንደሚሉት በተደጋጋሚ ድንበር ለማለፍ ሲሞክሩ በሀገሪቱ መንግስት ኃይሎች መያዝ ብቻ ሳይሆን በኢትዮጵያዉያንም እየታገታሉ። እሳቸዉ እንደሚሉት ደቡብ አፍሪቃ የሚገቡና የገቡ ኢትዮጵያዉያን እዚያዉ ያለዉ የሀገሬዉ የዘር ጥላቻ ጥቃት ሳያንሳቸዉ በራሳቸዉ በኢትዮጵያን ሕገ ወጥ ከሀገር ሀገር ሰዉ አሸጋጋሪዎች እየታገሩ ገንዘብ ዉለዱ ይባላሉ።

Flüchtlingslager, Immigranten suchen Schutz vor fremdenfeindlicher Gewalt in Johannesburg, Südafrika

የስደተኞች መጠለያ በደቡብ አፍሪቃ

እንደአቶ ታምሩ ገለፃ ከሆነ በአሁኑ ወቅት ወደደቡብ አፍሪቃ የሚገቡት አብዛኞቹ ከደቡብ ኢትዮጵያ ቤት ንብረትና ከብቶች እየሸጡ የቋጠሯትን ለሕገወጥ ሰዉ አሸጋጋሪዎች በመገበር ከአፍሪቃዋ የበለፀገ ኤኮኖሚ ባለቤት የማንዴላ ሀገር ገንዘብ ለመዛቅ የተመኙ የዋሆች ናቸዉ። በዛሬዉ ዕለት እንኳን ከእስርመፈታታቸዉየተነገራቸዉ30 ሰዎች በሕገወጥ አሸጋጋሪዎቹ ማላዊ ድረስ ተሸኝተዉ የድንበር አጥር በጥሰዉ ሲገቡ በመንግሥት ጠባቂዎች እጅ የገቡ ነበሩ። የኢትዮጵያ መንግሥት በሀገር ቤት የጀመረዉ ሕገወጥ አሸጋጋሪዎችን በቁጥጥር ስር የማዋሉ ርምጃ ወደሌሎች አካባቢዎችም ሰንሰለቱን ተከትሎ ቢቀጥል የብዙዎችን ሕይወት ከአደጋ ለማዳን እንደሚችልም አቶ ታምሩ አመልክተዋል።

ሸዋዬ ለገሠ

አርያም ተክሌ

Audios and videos on the topic