የአዲስ አበባ ጅቡቲ ባቡር መስመር

የባቡር መስመር

ከአዲስ አበባ እስከ ጅቡቲ ድረስ የተዘረጋው 656 ኪሎሜትር ርዝመት ያለው የባቡር መስመር ፕሮጀክት በኢትዮጵያ መንግሥት ነው የተገነባው። ይኸው በአራት ዓመት ውስጥ የተጠናቀቀው ፕሮጀክት 3,4 ቢልዮን የዩኤስ አሜሪካ ዶላር ፈጅቶዋል።

የአዲስ አበባ ጅቡቲ ባቡር መስመር

ዘመናይ ባቡር

ዘመናዮቹን ባቡሮች የሚያቀርቡት ፕሮጀክቱን የያዙት የቻይና የስራ ተቋራጮች ናቸው። ተጎታቾቹን ባቡሮች ደግሞ መጀመሪያ ላይ ከውጭ በማስገባት ወደፊት ኢትዮጵያ ራሷ ለማምረት የሚያስችላትን አቅም እያዳበረች ትገኛለች።

የአዲስ አበባ ጅቡቲ ባቡር መስመር

የባቡሩ ፍጥነት

መንገደኞች የሚያመላልሰው የባቡር ፍጥነት በሰዓት 120 ኪሎሜትር፣ ዕቃ የሚያጓጉዘው ደግሞ 90 ኪሎ ሜትር በሰዓት ነው። ባቡሩ በምሥራቅ አፍሪቃ በኤሌክትሪክ የሚሰራ የመጀመሪያው ሲሆን፣ ለእንቅስቃሴው ከፍተኛ የኤሌክትሪክ አቅርቦት ይጠይቃል።

የአዲስ አበባ ጅቡቲ ባቡር መስመር

የባቡሩ ሰራተኞች

የባቡሩ መስመር ግንባታ እና ባቡሩን የማንቀሳቀሱ ስራ አሁን ሙሉ በሙሉ በቻይናውያን የሚከናወን ሲሆን፣ ወደፊት በኢትዮጵያውያን ለማንቀሳቀስ ጥረት ተጀምሮዋል። በሩስያ፣ በቻይና እና በአዲስ አበባ ዩኒቨርሲቲ የአቅም ግንባታ ስልጠና ተካሂዷል። ከዚህ በተጨማሪ የስልጠና ትምህርት ሊሰጡ የሚችሉ 120 ኢትዮጵያውያን በቻይና ሰልጥነው ተመልሰዋል። አሁንም ከቻይናውያኑ ጋር በጋራ በመስራት ላይ ይገኛሉ።

የአዲስ አበባ ጅቡቲ ባቡር መስመር

የመንገደኞች ማመላለሻው ባቡር

የመንገደኞች ማመላለሻው ባቡር ምቾቱን የጠበቀ ሲሆን በአንድ ጊዜ ብዙ መንገደኞችን ማመላለስ ያስችላል።

የአዲስ አበባ ጅቡቲ ባቡር መስመር

የባቡሩ መስመር ምረቃ

የአዲስ አበባ ጅቡቲ የባቡር መስመር በዚህ በተያዘው መስከረም ወር መጨረሻ የሚመረቀው የባቡሩ መስመር ፕሮጀክት በወቅቱበሙከራ ላይ የሚገኝ ሲሆን፣ ይኸው ከሶስት እስከ አምስት ወራት ይወስዳል የሚባለው የሙከራ ሂደት በሚጠናቀቅበት ጊዜ አገልግሎት መስጠት ይጀምራል ተብሎ ይጠበቃል።

አዘጋጅ: አርያም ተክሌ, ሸዋዬ ለገሠ

የንቅሳት ጌጥ በአፍሪቃዉ ቀንድ

ገላን ማስዋብ

በሰሜናዊ ኢትዮጵያ ንቅሳት የተለመደ ነዉ ። በሰሜናዊ የአገራችን ክፍል ብዙ ሴቶች ግንባራቸዉን ጉንጫቸዉን አንገታቸዉን ድዳቸዉን ተነቅሰዉ እናገኛለን። የመንቀሻ መሳርያቸዉም ከትዉልድ ትዉልድ የሚተላለፈዉ ባህላዊ የመንቀሻ መሳርያ አጋም እሾህ፣ መርፊ፣ አልያም ወስፊ ይሆናል። ታድያ በባህላዊዉ ንቅሳት አምራ አጊጣ የባህላዊ ቀሚስዋን አጥልቃ ያየ ሰዉ ነቃሽዋንም ተነቃሽዋንም ያሞካሻል፤ በግጥም! ፎቶዉ ላይ የምትታየዉ ባለንቅሳት ሃና ትባላለች። ባህር ዳር ቅዱስ ጊዮርጊስ ቤተክርስትያን ግቢዉስጥ የተነሳችዉ ፎቶግራፍ ነዉ። የቤተ- እስራኤላዉያን ባህላዊ መስቀል ግንባርዋ ላይ ተነቅሳለች።

የንቅሳት ጌጥ በአፍሪቃዉ ቀንድ

የሰዉነት ማስዋቢያ

ድሪዳዋ ከተማ ላይ ባለንቅሳትዋ ሴት ጫት በመሸጥ ላይ ናቸዉ። ሴቲቱ አገጫቸዉና ግንባራቸዉ ላይ በነጠብጣብ አይነት ነዉ የተነቀሱት። እንሶስላ የተባለዉ ተክል ኢትዮጵያ ዉስጥ ለሰዉነት ማስዋቢያ በስፋት ይዉላል። በተለይ በሰሜናዊ ኢትዮጵያ ልጃገረዶችና ሴቶች እጅና እግራቸዉን እንሶስላ ይሞቃሉ። ለቁርጥማት ጥሩ ነዉ የሚሉም አይጠፉም። ንቅሳት ከአንድ የእድገት ደረጃ ወደ ሌላ መሸጋገርን፣ መአረግን ሃይማኖታዊ እና መንፈስነትን፣ ጀግንነትን ወሲባዊ መስብዕን፣ ወላድነትን ፍቅርን ቅጣትን እንዲሁም ከለላን አመላካች ሆኖ ለበርካታ ዘመናት ማገልገሉ ይገለጻል፣ ንቅሳት የባሮች የእስረኞች መለያ ሆኖ ማገልገሉም አንዳንድ ጽሁፎች ያሳያሉ።

የንቅሳት ጌጥ በአፍሪቃዉ ቀንድ

ሰዉነትን በእንሶስላና ሂና ማሳመር

እንደ እንሶስላ ሁሉ ሂናም ከጊዜ በኋላ የሚለቅ ከቅጠላ ቅጠል የሚሰራ የሰዉነት ቆዳ ማስጌጫ ነዉ። በኢትዮጵያ በጎረቤት ሶማልያና ጅቡቲ ዉስጥም እንሶስላና ሂና በስፋት ለቆዳ ማስጌጫ ይጠቀሙበታል። በፎቶ ላይ የምትታየዉ ወጣት በርበራ ከተማ ዉስጥ አንዲት ጠና ያሉት ሴት የእጅ ቆዳ በሂና ታሳምራለች። ለባለንቅሳትዋ ኢትዮጵያ እንዲህ ይገጠም ነበር ።« አየሁት ዉበትሽን ከእገትሽ በላይ፣ የዛ የጀግና ዘር የበላይ ነሽ ወይ። ድንቅ ነዉ ዉበትሽ ሲያዩት በትኩረት፣ ነቃሽ ነች እና ጠቢብ በእዉነት።»

የንቅሳት ጌጥ በአፍሪቃዉ ቀንድ

የእጅና የእግር ጥፍርን በሂና ማሳመር

እግርና እጅን በሂና ማስዋብ በአፍሪቃ ቀንድ ብቻ ሳይሆን በሰሜን አፍሪቃ ዉስጥ በሚገኙ ሃገራትና በአረብ ባህረ ሰላጤዉ ሃገራት እንዲሁም በቅርብ ምስራቅ ሃገራትና እስያ ዉስጥም የተለመደ ነዉ። ሴቶች በሂና እጅና እግራቸዉን፤ ብሎም የእጅና የእግር ጥፍራቸዉን ያሳምራሉ፤ ያስዉባሉ። ሰዉነትን በንቅሳት ማሸለም ከሃያኛዉ ክፍለ ዘመን ወዲህ በዘመናዊ መልኩ በበርካታ የዓለማችን ክፍሎች እንደተስፋፋ ጽሁፎች ያመለክታሉ። በተለይ በሰሜን አሜሪካ በጃፓን በአዉሮጻ ዉስጥ ተወዳጅነቱ ጎልቶ ይታያል። የንቅሳት ባህል ሊስፋፋ የቻለዉ የቴክኒክ እና የሥነ-ጥበብ ስልጠና ያላቸዉ አዳዲስ ባለሞያዎች ወደ ዘርፉ በመግባታቸዉም እንደሆነ ተመልክቶአል።

የንቅሳት ጌጥ በአፍሪቃዉ ቀንድ

ሂጃብ

የሶማሌላንድ መዲና በሆነዉ በሃርጌሳ ሃገሪቱ 25ኛ ዓመት የነጻነት በዓል ባከበረችበት ወቅት በተለይ በሴቶች እና ልጃገረዶች ዘንድ ይታይ የነበረዉ ደማቅ የተለያዩ ቀለሞች ያልዋቸዉ ድርያ ያደረጉ ሴቶች በሂና የተሸለመ እጅ ላይ የተለያዩ ጌጦችን አድርገዉ ነዉ፤ ቆንጆ ሂጃብን አጥልቀዉ ነበር

የንቅሳት ጌጥ በአፍሪቃዉ ቀንድ

በረመዳን ወቅት

በቅዱስ ረመዳን ጾም ወቅት ሴቶች የኢድ በዓልን ለማክበር ሲዘጋጁ በሰዉነታቸዉን በሂና ያሳምራሉ። ፎቶዉ ላይ የምትታየዉ ሃሚራ በሃርጌሳ በሚገኝ አንድ ባህላዊ ሆቴል ዉስጥ ትሰራለች። ሃሚራ በሂና ቆዳዋን ለማሳመር የፈጀባት 20 ደቂቃ ነዉ የከፈለችዉም ወደ አራት ይሮ ግድም ነዉ ። ሃሚራ በምትኖርበት አካባቢ ሴቶች በሰርግ እንዲሁም በበዓላት ወቅት ሰዉነታቸዉን በሂና ያስዉባሉ።

የንቅሳት ጌጥ በአፍሪቃዉ ቀንድ

አወዛጋቢዉ ዘመናዊነት

በሃርጌሳ የ16 ዓመትዋ ናጂማ የቆዳ ማስዋብያ የተሰራዉ ከጥቁር «አባያ» ነዉ ። በሶማሌ ላንድ ሴቶች ሂጃብ ይለበሳሉ፤ እጅጌ ሙሉ ልብስም ነዉ የሚያደርጉት። ግን በርካታ ሕዝብ በማይገኝበት ቦታ ላይ ሴቶች አለባበሳቸዉ ፤ ብዙ ሕዝብ እንደተሰበሰበበት ሁሉ ወግ አጥባቂ አይነት አይደለም። እንደዉም «ሰዉ ራሱ ላይ የሚያስረዉ ነገር ሳይሆን ፤ራሱ ዉስጥ ባለዉ ይለካል» የሚል አነጋገርም አላቸዉ።

የንቅሳት ጌጥ በአፍሪቃዉ ቀንድ

የጅቡቲዉ ንቅሳት

በጅቢቲና፤ በሰሜናዊ ሶማሌላንድ በሂና የሰዉነትን ቆዳ ማስዋብ የተለመደ ነዉ። በእነዚህ ሁለት አገራት የሚገኙ ማኅበረሰቦች ዘንድ ተመሳሳይ የሆኑ ባህልና ልማዶች ሲተገበሩ ይታያል። ይህች የጅቡቲ ተወላጅ ታዳጊ ሕጻን ከጓደኞችዋ ጋር ሆና 40 ዲግሪ ሴንቲ ግሪድ ሙቀት በሚለካበት እለት ጅቡቲ ባህር ዳርቻ ላይ ተቀምጣለች።

አዘጋጅ: ጀምስ ጄፍሪ ፤ አዜብ ታደሰ