1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

የግብጹ የውጭ ጉዳይ ሚኒስትር የአዲስ አበባ ምክክር

የግብጹ የውጭ ጉዳይ ሚኒስትር ሳሚህ ሽኩሪ በታላቁ የህዳሴ ግድብ ላይ ከኢትዮጵያ ሹማምንት ጋር ሲመክሩ ውለዋል። ጠቅላይ ሚኒስትር ኃይለማርያም ደሳለኝን ያነጋገሩት ሽኩሪ ከኢትዮጵያ አቻቸው ከዶ/ር ወርቅነህ ገበየሁ ጋርም ውይይት አካሄደዋል፡፡ ጋዜጣዊ መግለጫም ሰጥተዋል፡፡

አውዲዮውን ያዳምጡ። 02:46

ግብፅ የዓለም ባንክ በገላጋይነት እንዲገባ ጠየቀች

የግብጹ የውጭ ጉዳይ ሚኒስትር ሳሚህ ሽኩሪ ከኢትዮጵያ አቻቸው ጋር በመሆን ጋዜጣዊ መግለጫ ከመስጠታቸው በፊት ነበር ከጠቅላይ ሚኒስትር ኃይለማርያም ደሳለኝ ጋር የተገናኙት፡፡ ጠቅላይ ሚኒስትር ኃይለማርያምን በጽህፈት ቤታቸው በመገኘት ያነጋገሯቸው ሽኩሪ ከግብጹ ፕሬዝዳንት አብደልፈታ አልሲሲ የተላከላቸውን መልዕክት አድርሰዋል፡፡

በህዳሴ ግድብ ግንባታ ዙሪያ ለመምከር ወደ አዲስ አበባ የተጓዙት ሽኩሪ ከውጭ ጉዳይ ሚኒስትር ዶ/ር ወርቅነህ ገበየሁ ጋርም ውይይት አካሄደዋል፡፡ ሁለቱ የውጭ ጉዳይ ሚኒስትሮች በጋራ ሆነው ለጋዜጠኞች መግለጫ በሰጡበት ወቅትም የአባይ ጉዳይ ተነስቷል፡፡

"ግብፅ ኤኮኖሚያዊ እድገት ለኢትዮጵያ ያለውን ፋይዳ እውቅና ትሰጣለች" ያሉት የግብጹ ውጭ ጉዳይ ሚኒስትር፤ ጠቃሚ የሆኑ ጉዳዮችን ለማስተዳደር ወሳኝ መሆን ያለበት ሳይንስ ነው ሲሉ ተናግረዋል። የዓለም ባንክን "ገለልተኛ እና ወሳኝ" ሲሉ የጠሩት ሽኩሪ ፖለቲካዊ ትርጓሜዎችን እና ማምታታቶችን አስወግዶ ድርድር ሊያመቻች ይችላል ሲሉ አክለዋል።

ዶ/ር ወርቅነህ በበኩላቸው የህዳሴው ግድብ ግንባታ የከፋ ተፅዕኖ እንደማያሳድር ተናግረዋል፡፡ ግብፅ አቅርባዋለች የተባለውን ንድፈ-ሐሳብ እንደሚመለከቱትም ገልጸዋል። የሁለቱን ውጭ ጉዳይ ሚኒስትሮች ጋዜጣዊ መግለጫውን የተከታተለው ዘጋቢያችን ጌታቸው ተድላ ኃይለጊዮርጊስ ያደረሰንን ዘገባ የድምጽ ማዕቀፉን ተጭነው ያድምጡ።

ጌታቸው ተድላ ኃይለጊዮርጊስ

ነጋሽ መሐመድ

Audios and videos on the topic

ተዛማጅ ዘገባዎች