1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

የጋዜጠኛ ዓለምሠገድ ፈቃደ ሥላሴ ዜና እረፍት

ለበርካታ ዓመታት በራድዮ ጋዜጠኝነትና በአሰልጣኝነት ያገለገለችው ጋዜጠኛ ወይዘሮ ዓለምሠገድ ፈቃደ ሥላሴ ህሩይ አረፈች። ከቀዳሚዎቹ የኢትዮጵያ ሴት ጋዜጠኞች አንዷ የነበረችው ወይዘሮ ዓለምሠገድ በማስታወቂያ ሚኒስቴር፣ በቀድሞው

የብሥራተ ወንጌል ራድዮ ጣቢያና በኢትዮጵ ራድዮ ዓለም ዓቀፍ አገልግሎት በእንግሊዘኛ ዜና አቅራቢነትና በፕሮግራም አዘጋጅነት ሠርታለች። ለብሥራተ ወንጌልና በኋላም ለኢትዮጵያ ራድዮ እንዲሁም በተለያዩ የአፍሪቃ ሃገራት ወጣት የራድዮ ጋዜጠኞችን ለማሰልጠን የበቃች ታዋቂ የማስ ኮምኒኬሽን ባለሞያ ነበረች። ለኢትዮጵያ ባህልና ቋንቋዎች ትልቅ አክብሮት የነበራት ጋዜጠኛ ዓለምሠገድ የተለያዩ በጎ አድራጎት ድርጅቶች መሥራችና አባልም ነበረች። በእንግሊዘኛ ዜናና ፕሮግራም አቀራረብዋ አድናቆት የሚቸራት ጋዜጠኛ ዓለምሠገድ ሴት ጋዜጠኞችን በማበረታታትና በመደገፍም ትታወቃለች። የጋዜጠኛ ዓለምሠገድ የቀብር ስነሥርዓት ቤተሰብዋና ወዳጅ ዘመዶችዋ እንዲሁም የሙያ ባልደረቦችዋ በተገኙበት ሰኞ መጋቢት 29ቀን 2006ዓ,ም ከሰዓት በኋላ በአዲስ አበባዉ ቅድስት ሥላሴ ካቴድራል ተፈፅሟል። የአዲስ አበባው ዘጋቢያችን ጌታቸው ተድላ ኃይለጊዮርጊስ ዝርዝር ዘገባ አለው።

ሂሩት መለሰ

ጌታቸዉ ተድላ ኃይለጊዮርጊስ

Audios and videos on the topic