የጀርመን ህገ መንግስታዊ ፍርድ ቤት ብይን | አውሮጳ/ጀርመን | DW | 04.03.2010
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አውሮጳ/ጀርመን

የጀርመን ህገ መንግስታዊ ፍርድ ቤት ብይን

ካርልስሩኽ የሚገኘው የጀርመን ህገ መንግስታዊ ፍርድ ቤት ፣ የጀርመን መንግስት የስልክ እና የኢሜል እንዲሁም የኢንተርኔት ግንኙነት መረጃዎች ለስድስት ወራት ተመዝግበው እንዲያዙ የሚያዘውን ህግ በዚህ ሳምንት መጀመሪያ ላይ መሻሩ ለበርካታ የህጉ ተቃዋሚዎች እንደ ታላቅ ድል ተወስዷል ።

default

ከፍተኛ የመንግስት ባለሥልጣናትን ጨምሮ ፖለቲከኞችና በብዙ ሺህ የሚቆጠሩ ጀርመናውያን የተቃወሙት ይህ የግል ሚስጥር ጥበቃን መብት ይጥሳል የተባለው ህግ ከትናንት በስተያ በመሻሩ ብዙዎች ከመሰለል እፎይታ ያገኙ ያህል ተደስተዋል ። የህጉ ተቃዋሚዎች ያስገቡትን አቤቱታ የመረመረው ፍርድ ቤት ማክሰኞ ባሳለፈው ውሳኔ በህጉ መሰረት እንዲቀመጡ የተደረጉ የስልክ የኢሜልና የኢንተርኔት ግንኙነት መረጃዎች በሙሉ እንዲሰረዙ አዟል ። ይሁንና ብይኑን ጠልቀው የተመለከቱ እንደሚሉት ለፀጥታ ቁጥጥር ሲባል መሰል መረጃዎችን ማስቀመጥና መከታተል ፈፅሞ ይቀራል ማለት አይደለም ። የዛሬው ዝግጅታችን ዓብይ ትኩረት ነው ። ሂሩት መለሰ ፣ ነጋሽ መሀመድ

ተዛማጅ ዘገባዎች