የጀርመንዋ የግብርና ሚንስትር በኢትዮጵያ | ኢትዮጵያ | DW | 08.05.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

የጀርመንዋ የግብርና ሚንስትር በኢትዮጵያ

የጀርመንዋ የግብርና ሚኒስትር ወይዘሮ ኢልዘ አይግነር በኢትዮጵያ የሚያደርጉትን የሠወስት ቀናት ጉብኝት ዛሬ በይፋ ጀምረዋል።ሚንስትር አይግነር ትናንት ማምሻ አዲስ አበባ ከመግባታቸዉ በፊት ደቡብ አፍሪቃን ለሠወስት ቀን ጎብኝተዉ ነበር።

ሚንስትሯ ከጁሐንስበርግ ወደ አዲስ አበባ ከማቅናታቸዉ በፊት ለዶቸ ቬለ በሥልክ በሰጡት ቃለ መጠየቅ እንዳሉት ከኢትዮጵያ ባለሥልጣናት ጋር ከሚነጋገሩባቸዉ ርዕሶች የምግብ ዋስትናን ማስጠበቅና የመሬት ባለቤትነት ቀዳሚዎቹ ናቸዉ።

የጀርመንዋ ግብርና ሚኒስትር ኢልዘ አይግነር፤ በአፍሪቃ ሰብልን ለነዳጅ ከማዋል ይልቅ ለምግብ የሚሆን እንዲዉል ማድረግ ቅድምያ ሊሰጠዉ የሚገባ ጉዳይ ነዉ የሚል ሃሳብ አላቸዉ።ምክንያቱ ከምድር ወገብ በስተደቡብ በሚገኙ አገራት አበረታች የኢኮኖሚ እድገት ቢታይም፤ አሁንም 870 ሚሊዮን ህዝብ በምግብ እጥረት ይቸገራልና ይላሉ ሚንስትሯ።

«በዚህም ምክንያት በአፍሪቃ አገራት ሰብልን ለምግብነት ማዋል ቅድሚያ ሊሰጠዉ የሚገባ ጉዳይ ነዉ። (ለነዳጅ ምትክ) ይዉላል መባሉ ተቀባይነት አይኖረዉም።

ሚኒስትሯ ትናንት በደቡብ አፍሪቃ ፕሪቶርያ ጉብኝታቸዉ፤ በአፍሪቃ የነዳጅ ምርትን ከሚሰጥ የሰብል ምርት ይልቅ የምግብ ምርትን ማስቀደሙ ወሳኝ መሆኑን በመግልጽ በቆሎን ለነዳጅ ምርት ከምናበቅል ይልቅ፤ ሌሎች የምግብ አዝርቶችን ማምረት ወሳኝነቱን አስረድተዋል። በአፍሪቃ የዘመናዊ ግብርና መገልገያ ዘዴዎችን እና የግብርና ዘዴ አዋቂዎች እጥረትን በሚመለከት ከዶቼ ቬለ ለቀረበላቸዉ ጥያቄ ሚኒስትሯ ጥምሩን የጀርመኑን ዘዴ በምሳሌነት ጠቅሰዋል።

«በነዚሕ ሐገራት ምርታማነትን ለማሳደግ ቲወሪን ከተግባራዊ ሙከራ ጋር ያጣመረ የትምሕርትና የሥልጠና ሥርዓት መዘርጋት ጠቃሚ ነዉ። በተግባር ላይ ያተኮሩ ግባአቶችን ማዳበር እና ብዙዉን አምራች ለማዳረስ አሠልጣኞችን ማሠልጠንም ጠቃሚ ነዉ።»

በአፍሪቃ በግብርናዉ ዘርፍ አስፈላጊዉ ነገር ጥሩ ዘር፤ ማዳበርያ፤ የተስተካከለ የመሰረተ ልማት፤ አዉታር፥ መስኖ የግብርና መሳርያ እና ሥልጠና ወይም እዉቀት መሆኑን ሚንስትሯ ገልጸዋል። አፍሪቃ ለማደግ እጅግ ከፍተኛ አቅምና፤ በእድገትዋም አስደሳች እና የሚያበረታታ እርምጃን ብታሳይም፤ በቀጣይ ከፍተኛ የህዝብ ቁጥር መጨመር እና አየር ንብረት በከፍተኛ ሁኔታ መለወጥን የመሳሰሉ ከባድ ፈተናዎች ትጋፈጣለች። ኢልዘ አይግነር ምርታማነትን ለማሻሻል ይላሉ፤

Employees dig up sweet potatoes in a farm in Brits, near Pretoria, on June 23, 2009. AFP PHOTO / FRANCOIS XAVIER MARIT (Photo credit should read FRANCOIS XAVIER MARIT/AFP/Getty Images)

Master zum Themenheader Kann Afrika den Hunger stillen?

«ለየትኛዉም የአፍሪቃ ሐገር ቢሆን መሠረታዊዉ ጉዳይ የተረጋጋ ፖለቲካዊ ግንኙነትና ግልፅ የሆነ የመሬት ባለቤትነት መብት መኖር ነዉ።ከዚሁ ጋር የአመራረት ሥልትን ማዳበር፥ እዉቀትን ማስረፅና ማሳደግም አስፈላጊዎች ናቸዉ።በዚሕ ምክንያት እኔ እንደማምነዉ ከየአካባቢዉ የአምራቾች ማሕበራት መዋቅር ጋር ግንኘነት መመሥረት ጠቃሚ ነዉ።ምክንያቱም ማሕበራቱ አነስተኛ አምራቾችን የሚያስባስቡና በርካታ ሠብል የሚያመርቱም በመሆናቸዉ ነዉ።የመሬቱ ምርታማነት የሚጠበቀዉና ለብዙ ጊዜ አገልግሎት የሚሠጠዉ ደግሞ የገበሬዉ የመሬት ባለቤትነቱ ሲረጋገጥለት ነዉ።»

በአፍሪካ ለእርሻ ምርት አመቺ የአየር ጸባይ፤ ለም መሪት ቢኖሮም፤ በአግባቡ ጥቅም ላይ እንዳልዋለ ሚኒስትር አይግነር ፤ በደቡብ አፍሪቃ ጉብኝታቸዉ ሳይጠቅሱ አላለፉም። እጅግ ደሃ ከሚባሉ ሀገሮች የምትመደበዉ ኢትዮጵያ፤ የሰብል ምርትን የማቅረብ ከፍተኛ አቅም ቢኖራትም እስካሁን ህዝብዋን ሙሉ በሙሉ መመገብ አልቻለችም።ኢልዘ አይግነር አንድ ሀገር ይላሉ፤

A farmer ploughs his land, Tuesday, May 10, 2005 on the outskirts of the Ethiopian capital, Addis Ababa. The May 15 elections are considered an important test of the ruling party's willingness to bring democracy to Ethiopia, which has invited international observers into the Horn of Africa country for the first time.(AP Photo/Karel Prinsloo)

«አንድ ሀገር 40% የሚሆነዉ ህዝቧ በምግብ እጥረት የሚሰቃይ ከሆነ የምግብ አቅርቦትን አስተማማኝ ደረጃ ማደረስ ዋንኛ እና ቅድምያ ሊሰጠዉ የሚገባ ጉዳይ ነዉ።»

ኢትዮጵያ ዉስጥ መሬትን በሊዝ ለማኮናተር ሲባል ነዋሪዎች ከመኖርያ ቀያቸዉ ተፈናቅለዋል የሚባለዉን ጉዳይ ምን አስተያየት አልዎት? ተብለዉ ለቀረበላቸዉ ጥያቄ የጀርመንዋ ግብርና ሚኒስትር ኢልዘ አይግነር

«ይህን ጉዳይ በሚመለከት መነጋገር እፈልጋለሁ። ኢትዮጵያም የተባበሩት መንግስታትን ህግ እንዳልጣሰች ተስፋ አደርጋለሁ።ለግብርና የሚሆን መሬት ላይ መዋለ ንዋይ ማፍሰሱ የተወላጆችን «የነዋሪዎችን» መሬት እንዲነጠቁ እና እንዲፈናቀሉ ዳርጎ ከሆነ፤ ትክክል አይደለም።ያ።በተለይ ደግሞ(ለባለሐብቶች የሚሰጠዉ) ለም መሬት ከሆነ የአገሪቱንም ጥቅም አያስጠብቅም»

የጀርመንዋ የግብርና ሚኒስትር በኢትዮጵያ ጉብኝታቸዉ በጀርመን የሚደገፍ የእርሻ፤ የጥናትና፤ የሙከራ ማዕከልን ይጎበኛሉ።

አዜብ ታደሰ

ነጋሽ መሃመድ

Audios and videos on the topic