የዩክሬኗ ፖለቲከኛ ቲሞሼንኮ | አውሮጳ/ጀርመን | DW | 26.02.2014
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አውሮጳ/ጀርመን

የዩክሬኗ ፖለቲከኛ ቲሞሼንኮ

ባለፈው ቅዳሜ በነፃ የተለቀቁት የቀድሞዋ የዩክሬን ጠቅላይ ሚኒስትር ዩልያ ቲሞሼንኮ ለፕሬዝዳንትነት የመወዳደር እቅድ እንዳላቸው አስታውቀዋል ። ከእስር እንደተለቀቁ ወደ ክየቩ የነፃነት አደባባይ በመሄድ ደስታቸውን እዚያ ከተሰበበሰው ከ100 ሺህ ከሚበልጥ ህዝብ ጋር የተጋሩት ቲሞሼንኮ በውዝግቡ የተገደሉት ሰዎች ጉዳይ እንዲጣራም ጠይቀዋል ።

የቀድሞዋ ጠቅላይ ሚኒስትር ነፃ በመለቃቀቸው ደስታና ፈንጠዝያ የፈጠረውን ያህል ነቀፌታም ይሰነዘርባቸዋል ። ስለቲሞሼንኮ የዶቼቬለው ሽቴፋን ላክ ያዘጋጀውን ሂሩት መለሰ አጠናቅራዋለች

እጎአ በ2004 የተካሄደው የዩክሬን ቡርቱካናማው አብዮት ጀግና የሚባሉት የ53 ዓመቷ ዩልያ ቲሞሼንኮ ሁለት ጊዜ የሃገሪቱ ጠቅላይ ሚኒስትር ነበሩ ። እጎአ ከጥር እስከ መስከረም 2005 እንዲሁም ከታህሳስ 2007 እስከ መጋቢት 2010 ።እጎአ መጋቢት 2010 ነበር የዩክሬን ፓርላማ የመታመኛ ድምፅ ነፍጓቸው ከሥልጣን የወረዱት ። ቲሞሼንኮ በውድ ዋጋ ከሩስያ የተፈጥሮ ጋዝ ለመግዛት ተዋውለዋል በሚል በቀረበባቸው ክስ በ2011 ጥፋተኛ ተብለው የ7 ዓመት እስር ተበየነባቸው ። ከሁለት ዓመት ተኩል እስር በኋላ ባለፈው ቅዳሜ የሃገሪቱ ፓርላማ በአስቸኳይ እንዲፈቱ ወስኖላቸው በነፃ ተለቀቁ ። ቲሞሼንኮ ያሰቡት ተሳካላቸው ።

« አንድ ነገር ለመፈፀም ካሰብኩ ውጤቶችም ይገኛሉ ። ውጤቶች »

የቀድሞዋ የዩክሬን ጠቅላይ ሚኒስትር በሃገሪቱ የተለያዩ ስብዕናዎች ካሏቸው ሰዎች አንዷ ከመሆናቸውም በተጨማሪ

Ukraine Parlament Kiew Julia Timoschenko Freilassung abgelehnt

የዩክሬን ፓርላማ ቲሞሼንኮ እንዲለቀቁ ሲወስን

አወዛጋቢም ናቸው ። በአንዳንዶች ዘንድ በህዝብ ገንዘብ የበለፀጉ የጋዝ ልዕልት ተደርገው ነው የሚታዩት ። ሌሎች ደግሞ የዩክሬኑ ቡርትኳናማው አብዮት ተምሳሌት ነው የሚሏቸው ። ቲሞሼንኮ በኃይል ምንጭ ገበያ የተገኘን በሚሊዮኖች የሚቆጠር ገንዘብ አለግባብ ለግል ጥቅማቸው በማዋል የናጠጡ ባለኩባንያ ለመሆኑ በበቁበት በ90 ዎቹ ነበር እርሳቸው እንደሚሉት ሃገራቸውን ለማገልገል በፖለቲካው መስክ የተሰማሩት ።

« ዘወትር ሰዎች እኔን የኤኮኖም ጥቅም ፈልጋ ነው እያሉ ይናገራሉ ። ለእኔ ግን ይሄ ጠቃሚ አይደለም እንደ ፖለቲካኛም ስለ ኔ የሚፃፈው ረብ የለውም እኔ ጠቃሚ አድርጌ የማየው ሥራየን ነው ። »

ቲሞሼንኮ በፖለቲካው መድረክ የተሳካላቸው በ2004 ነው ። በዚያን ወቅት በተጭበረበረ ድምፅ ሊዮኒድ ኩችማን ሥልጣን ለመያዝ ያደረጉት ሙከራ ብርቱካናማው አብዮትን አነሳሳ ። ያኔ ቲሞሼንኮ ከቀድሞው ተቀናቃናቸው ከቪክቶር ዩስቼሼንኮ ጋር በዩክሬን የዴሞክራሲ ትግል እንዲካሄድ በማድረግ በዋናነት የሚጠቀሱ ናቸው ። ይሁንና በርሳቸውና በዩሴቼንኮ መካከል የነበረው የፖለቲካ ሽኩቻ ተራዝሞ በመቀጠሉ ዩክሬንን በፖለቲካው ረገድ አሽመድምዷት ነበር ። ሃገሪቱን ወደ ተሻለ አቅጣጫ ይመራሯታል የሚል ተስፋ የነበራቸው ብዙዎች ሰዎች በርሳቸው ክፉኛ ነበር ያዘኑት ። በ2010 ሳይታሰብ ቪክቶር ያኑኮቪች በሁለተኛ ዙር ምርጫ ፕሬዝዳንት ሆኑ ። ብዙም ሳይቆይ ተቀናቃናቸው ቲሞሼንኮ ከሩስያ ጋር በተስማሙት የጋዝ ግዥ ውል ተከሰው ለፍርድ ቀረቡ ። መጋቢት 2011 የ7 ዓመት እስር ና የ137 ሚሊዮን ዩሮ ቅጣት እንዲሁም በፖለቲካ እንቅስቃሴዎች ለ3 ዓመት ከመካፈል የሚያግድ ፍርድ ተበየነባቸው ። ከዚህ በኋላ የአውሮፓ ህብረት ያኔ በነበረው ተቃውሞ ሳቢያ ዩክሬንን የአውሮፓ ህብረት ተባባሪ ማህበረተኛ ለማድረግ ለፊርማ ቀርቦ

Ukraine Regierung Julia Timoschenko als Ministerpräsidentin Parlament in Kiew

ቲሞሼንኮ በ2007 በጠቅላይ ሚኒስትርነት ሲመረጡ

የነበረው ሰነድ ውድቅ አደረገው ። እስር ቤት የታመሙት ቲሞሼንኮ የረሃብ አድማ ካደረጉ በኋላ በጀርመን ሃኪሞች እንዲታዩ ተፈቀደላቸው ። ግን ከቦታ ቦታ መንቀሳቀስ ተከልክለው ነበር ። ያልተቋረጠ የቪድዮ ቁጥጥርና ሁልጊዜም የሚጠብቃቸው የደህንነት ሰዎች ስለነበሩ ህክምናው አልተሳካም ። በ2012 የተካሄደውን ምርጫ እሥርር ቤት ሆነው ይከታተሉና ብዙውን ጊዜም መልዕክታቸውን ለህዝብ ያደርሱ ነበር ለምሳሌ ያህል በእስር ቤት የቀረፁት ንግግራቸውም በድብቅ እየወጣ ለህዝብ ይደርስ ነበር ። በአንድ ወቅት ቀርፀው ካስተላለፉት መልዕክት አንዱ

« እያንዳንዱ ዩክሬናዊ ያኑኮቪች በዘረጉት ስርዓት ስር ባለ ወንጀል በሚፈፀምበት ሃገር መኖር እጣቸው ሆኗል ። ህጉ እንደሚጣስ ዜጎች ሙሉ በሙሉ እንደሚዋረዱ ሁሉም የሚያየው ነው ። እኔም ብሆን የዚህ ሰለባ መሆኔን እየተገነዘብኩት ነው »

ቲሞሽንኮ ከእስር ተለቀዋል ። የዩክሬን የወደፊት እጣ ፈንታ ምን ሊሆን እንደሚችል ግን መገመት አስቸጋሪ ነው ።

ሂሩት መለሰ

ሸዋዬ ለገሠ

Audios and videos on the topic