የዩሮ ቀውስና የአውሮፓ መሪዎች ጉባኤ | አውሮጳ/ጀርመን | DW | 25.10.2011
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አውሮጳ/ጀርመን

የዩሮ ቀውስና የአውሮፓ መሪዎች ጉባኤ

ግሪክን የመሳሰሉ የዩሮ ተጠቃሚ አገራትን ከዕዳ ቀውስ ማውጣትና ዩሮን በዘላቂነት ማረጋጋት የሚቻልበትን መፍትሄ ለማፈላለግ የአውሮፓ ህብረት አባል ሃገራት መሪዎች የጀመሩት ጥረት መቋጫ አላገኘም ።

default

የዩሮ ተጠቃሚ ሃገራት በገጠማቸው ከባድ ፈተና ላይ መሪዎቹ ባላፈው እሁድ የጀመሩት ውይይት ነገም ይቀጥላል ። በግሪክ ጀምሮ ወደ ሌሌችም የዩሮ ተጠቃሚ አገራት ቀስ በቀስ ለተዛመተው የዕዳ ቀውስ እንዲሁም የጋራውን መገበያያ ገንዘብ ዩሮን ለማረጋጋት በቀረቡት የመፍትሄ ሃሳቦች ላይ በአውሮፓ ህብረት በየደረጃው ምክክር ሲደረግ ና የመፍትሄ ሃሳቦችም ሲቀርቡ ብዙ ወራት አልፈዋል ። ባለፈው እሁድ የተካሄደው የአውሮፓ ህብረት አባል ሃገራት የመሪዎች ጉባኤ ከነዚህ ሁሉ የላቀውና ከፍተኛ ትኩረትም የተሰጠው አብይ ጉባኤ ነበር ። በእሁዱ ጉባኤ ላይ የግሪክ የዕዳ ቅነሳ ፣ የአውሮፓ ባንኮችን ከክስረት ለማዳን የቀረበው እቅድ እንዲሁም ለአውሮፓ የገንዘብ ማረጋጊያ ስርዓት መርሃ ግብር የሚመደበው የመጠባበቂያ ገንዘብ መጠን ሙሉ በሙሉ ስምምነት ላይ ሳይደረስባቸው ለነገ የተገፉ ሶሶቱ አብይ ጉዳዮች ናቸው ። መሪዎቹ በነዚህ ዋና ዋና ጉዳዮች ላይ ነገ ረቡዕ እንደገና በመምከር ውሳኔ ላይ ይደርሳሉ ተብሎ ይጠበቃል ።

ሂሩት መለሰ

ተክሌ የኋላ

Audios and videos on the topic