1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

የዞን ዘጠኝ የድረገጽ ጸሐፍት ክስ ዉድቅ ሆነ

ዞን ዘጠኝ በመባል በሚታወቁት አራት የድረገጽ ጸሐፍት እና አንድ ጋዜጠኛ ላይ በሽብርተኝነት የቀረበባቸዉን ክስ ፍርድ ቤት ዛሬ ዉድቅ አደረገ። ፍርድ ቤቱ ተከሳሾቹ ላይ የቀረበዉ ማስረጃ ሁሉ ደካማ መሆኑን ማመልከቱን የፈረንሳይ የዜና ወኪል ከአዲስ አበባ ዘግቧል።

አውዲዮውን ያዳምጡ። 03:00

4 የዞን ዘጠኝ ፀሃፍት በነፃ ተሰናበቱ

ፍርድ ቤቱ መከላከል ሳያስፈልጋቸው በነፃ እንዲሰናበቱ የወሰነላቸው በሌለችበት የተከሰሰችው ሶሊያና ሽመልስ፣ ናትናኤል ፈለቀ ፣ አጥናፍ ብርሃነ እና አቤል ዋበላ ናቸው ። በዚሁ መሠረትም ዛሬ ማምሻዉን ከእስር ቤት እንደሚወጡ ይጠበቃል። በሌለችበት በተመሳሳይ የተከሰሰችዉ የዞን ዘጠኝ አባል ሶልያና ገብረሚካኤልም በስደት ሀገር ብትሆንም ክሱ እንደተነሳላት ተገልጿል። ሶልያና ከ18 ወራት በኋላም ቢሆን ክሱ ዉድቅ መሆኑ መልካም መሆኑን ለዶቼ ቬለ ገልጻለች።

በአንፃሩ ዛሬ ያስቻለው የፌዴራል ከፍተኛ ፍርድ ቤት 19ኛ የወንጀል ችሎት ፣ላለፉት 18 ወራት ከድረገጽ ጸሐፍቱ ጋር ታስሮ የቆየዉ አራተኛዉ ተከሳሽ ጋዜጠኛ በፈቃዱ ኃይሉ ከሽብርተኝነት ጋር የሚገናኘዉ ክስ ቢነሳለትም ለአመፅ በማነሳሳት በሚለዉ ክስ በእስር እንደሚቆይ መወሰኑን ዘገባዉ አክሎ ገልጿል። የፀረ ሽብር ክስ ተሰርዞ አመጽን በማነሳሳት ወንጀል እንዲቀየርም ወሰነ ። በፍቃዱ ሃይሉ ግን የአሸባሪነት ክሱ ቢነሳለትም ክሱ አመጽ በማነሳሳት ተቀይሯል ።ክሱም እስከ አስር ዓመት እስራት ሊያስበይን እንደሚችልም ተመልክቷል።

18 ወራት በፊት 6 የዞን ዘጠኝ የድረገጽ ጸሐፍት እና ሶስት ጋዜጠኞች ባጠቃላይ ዘጠኝ ነበሩ ጥቃቶችን በማሴርና ግንቦት 7 ከተባለው የኢትዮጵያ መንግሥት ተቃዋሚ ቡድን ጋር በመተባበር ህገ መንግሥታዊ ስርዓቱን ለመናድ ተንቀሳቅሰዋል በሚል ወንጀል ተከሰው ነበር የታሰሩት። ባለፈዉ ዓመት ሐምሌ ወር ከታሳሪዎቹ አራቱ ተለቀዋል። ለጋዜጠኞች መብት የሚሟገተዉ CPJ ኢትዮጵያን ጋዜጠኞችን በማሠር ከአፍሪቃ ሁለተኛዋ ሀገር ያደርጋል። የድርጅቱ የአፍሪቃ ተጠሪ ቶም ሮድስ ፍርድ ቤት የድረገጽ ጸሐፍትና ጋዜጠኞቹን ከተከሰሱበት የሽብር ክስ በነፃ ማሰናበቱን አወድሰዋል። ተጨባጭ ማስረጃ ሳይገኝባቸዉም ሂደቱ ረዝም ጊዜ መዉሰዱንም ጠቁመዋል። የዋሽንግተን ዲሲው ዘጋቢያችን ናትናኤል ወልዴ ሶልያና ሽመልስን በስልክ አነጋግሯታል ።
ሸዋዬ ለገሠ/ናትናኤል ወልዴ
ኂሩት መለሰ
አርያም ተክሌ

Audios and videos on the topic