1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

የዓርብ ዕለቱ የቦምብ ፍንዳታ በአንዋር መስጊድ

ትናንት በአዲስ አበባ ታላቁ አንዋር መስጊድ በደረሰው የቦምብ ፍንዳታ በትንሹ 17 ሰዎች መጎዳታቸው ተገለጸ። የመንግስት ኮምዩንኬሽን ሚኒስትር አቶ ጌታቸው ረዳ ከተጎዱት 17 ሰዎች መካከል ከፍተኛ የመቁሰል አደጋ የደረሰባቸው መኖራቸውን ለአዣንስ ፍራንስ ፕሬስ ተናግረዋል።

አቶ ጌታቸው ረዳ «እስካሁን ጥቃቱን ማን እንደፈጸመው የምናውቀው ነገር የለም።» ሲሉ ጨምረው ተናግረዋል። በመርካቶ በሚገኘው ታላቁ አንዋር መስጊድ የደረሰው የቦምብ ፍንዳታው ከዓርብ የጁምዓ ጸሎት በኋላ ነበር። ለመንግስት ቅርበት ያለው ሬዲዮ ፋና በበኩሉ በፍንዳታው የተጎዱ ሰዎች ቁጥር 24 መሆኑን ዘግቧል። በፍንዳታው ጉዳት የደረሰባቸው ሰዎች በቅዱስ ጳውሎስና ተክለሃይማኖት ሆስፒታሎች ህክምና እንደተደረገላቸው ዘግቧል። እስካሁን ለፍንዳታው ኃላፊነት የወሰደ አካል የለም። በአደጋው በአምስት ሰዎች ላይ ከባድ በ19 ሰዎች ላይ ደግሞ ቀላል የመቁሰል አደጋ መድረሱን የዘገበው የአገሪቱ ብሔራዊ ቴሌቭዥን የፍንዳታው መንስዔ «ማንነቱ ባልታወቀ ግለሰብ የተወረወረ ቦምብ» መሆኑን የፌደራል የፀረ ሽብር ግብረ ኃይል መግለጫን በመጥቀስ ዘግቧል።

እሸቴ በቀለ

ልደት አበበ