1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ዓለም

የዓለም የሰብዓዊነት ቀን

በግጭት ጦርነት እንዲሁም በተፈጥሮ አደጋዎች ለችግር የተጋለጡ ወገኖችን ለመርዳት የተሠማሩ ወገኖች ተግባር ማለትም ሰብዓዊነት በዓለም ዓቀፍ ደረጃ የሚታሰብበት ዕለት ነዉ ዛሬ። ለሰብዓዊ ተግባራት ተሠማርተዉ ለተለያዩ አደጋዎች ተጋልጠዉ ህይወታቸዉን የሚያጡ ወገኖች ዛሬ ዛሬ ቁጥራቸዉ እየጨመረ ነዉ።

መረጃዎች እንደሚያመለክቱት የሰብዓዊ እርዳታ አቅራቢ ሠራተኞች ላይ የሚደርሰዉ ጥቃት ከጎርጎሪዮሳዊዉ 2012ዓ,ም ወዲህ ብቻ በ66 በመቶ ከፍ ብሏል። የእርዳታ ሠራተኞችን ደህንነት የሚመለከተዉ ዘገባ ባለፈዉ ጎርጎሪዮሳዊ ዓመት ብቻ 155 የእርዳታ ሠራተኞች መገደላቸዉን፤ 171 ደግሞ በከባድ ሁኔታ መቁሰላቸዉን ያመለክታል። 132ም ታግተዋል። ዘንድሮም ከጥር ወር እስከ ነሐሴ ድረስ የተገደሉት 79 ደርሰዋል። በተለይም በዚሁ ወር ደቡብ ሱዳን ዉስጥ ስድስት እስራኤል ጋዛ ዉስጥ 11 የእርዳታ ሠራተኞች መገደላቸዉ ተመዝግቧል። አፍጋኒስታን የእርዳታ ሠራተኞች ከየትኛዉም ሀገር በበለጠ ለከፍተኛ አደጋ የሚጋለጡባት ተብላለች። የዓለም የሰብዓዊነት ቀን አዲስ አበባ ላይ ታስቦ ነዉ የዋለዉ፤ ስለተከናወኑ ነገሮች እንዲያጋራን በስፍራዉ የተገኘዉን ዘጋቢያችንን ጌታቸዉ ተድላ ኃይለ ጊዮርጊስን በአጭሩ በስልክ አነጋግሬዋለሁ፤

ጌታቸዉ ተድላ ኃይለጊዮርጊስ

ሸዋዬ ለገሠ

ነጋሽ መሐመድ

Audios and videos on the topic