1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አፍሪቃ

የዉጭ ዜጎች ጥላቻና ጥቃት በደቡብ አፍሪቃ

ደቡብ አፍሪቃ ዉስጥ የዉጭ ዜጎች ላይ ያነጣጠረዉ ጥላቻ እና ጥቃት ተባብሶ ቀጥሏል። ፕሪቶሪያ ውስጥ የውጭ ዜጎች ከሀገሪቱ እንዲወጡ በሚጠይቁ ሰልፈኞች እና ሰልፉን በሚቃወሙ  የውጭ ዜጎች መካከል የተነሳውን ግጭት ለማብረድ ፖሊስ የላስቲክ ጥይቶች መተኮሱ እና ውኃ መርጨቱም ተሰምቷል።

አውዲዮውን ያዳምጡ። 02:54

የዉጭ ዜጎች የንግድ ቤቶች ተዘግተዉ ዉለዋል፤

ዛሬ ወደ ሀገሪቱ ውጭ ጉዳይ ሚኒስቴር መሥሪያ ቤት ያመራ በነበረው ሰልፍ ላይ ከተካፈሉት አንዳንዶቹ ዱላ ይዘው ነበር። ጥላቻን ያንጸባርቅ የነበረው ይህ ሰልፍ መፈቀድ አልነበረበትም ሲል በኔልሰን ማንዴላ ስም የሚጠራው ድርጅት ወቅሷል።  ሥራ አጥነት ከ25 በመቶ በላይ በሆነበት በደቡብ አፍሪቃ የውጭ ዜጎች የሀገሪውን ሥራ እየወሰዱ ነው የሚሉ ክሶች ተደጋግመው ይቀርባሉ።  በዛሬዉ ዕለትም የዉጭ ዙጎች ከሀገሪቱ ይዉጡ የሚሉ ሰልፎች የተካሄዱ ሲሆን ፖሊስ ሰልፉን በመበተን ሥራ ተጠምዶ ተሰምቷል። ደቡብ አፍሪቃ ዉስጥ የሚገኙ የዉጭ ዜጎች ይዉጡ የሚለዉን ሰልፍ የተቃወመ ሰልፍም ተካሂዷል። በዚህ መካከልም የዉጭ ዜጎች ንብረቶች የሆኑ በርካታ ሱቆች ተዘግተዉ መዋላቸዉን ጆሃንስበርግ የሚገኘዉ ዘጋቢያችን መላኩ አየለ ገልጾልናል።

መላኩ አየለ

ሸዋዬ ለገሠ

Audios and videos on the topic