1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አውሮጳ/ጀርመን

የኮሎኝ ታሪካዊ ቤተ-መዘክር ተደረመሰ

መንገዱ ላይ ቆሜ ልክ ቡና እየጠጣሁ ነበር። ወዲያው መሰነጣጠቅ ጀመረ። የቤተ-መዘክሩ ሠራተኞች በሙሉ ሮጠው ወጡ። በድጋሚ ዞር ብዬ ተመለከትኩ። ከፊት ለፊት ያለው የሕንፃው አካል በሙሉ ሲደረመስ አየሁ። መጀመሪያ የተደረመሰው መሬት ላይ ተከሰከሰከ። ወዲያው ሁላችንም መሮጥ ብቻ ሆነ። ከዚያ ሕንፃው ሙሉ በሙሉ ተደረመሰ።

የተደረመሰው ሕንፃ ከፊል ገፅታ

የተደረመሰው ሕንፃ ከፊል ገፅታ

ኮሎኝ ከተማ ውስጥ፥ ጥንታዊ መዛግብትን ያከማቸ ታሪካዊ ቤተ-መዘክር ማክሰኞ ለት በድንገት መደርመሱ ተዘግቧል። ህንፃው ከተደረመሰ ቀናት ቢያስቆጥርም፤ ፍራስራሹ ውስጥ እንደተቀበሩ የተገመቱት ሁለት ሰዎችን የማዳን ተግባር ግን እስካሁን አልተጀመረም። በተደረመሰው ሕንፃ አካባቢ የሚገኙ ሌሎች ሕንፃዎች እንዳይደረመሱም ተሰግቷል። ቀድሞ አራት መቶ ሚሊዮን ዩሮ ዋስትና የተገባለት ይህ ታሪካዊ ቤተ-መዘክር በውስጡ ያከማቻቸው ጥንታዊ መዛግብት እንዳይበላሹ ርብርብ እየተደረገ ነው።