1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ዓለም

የእስራኤል ምርጫና የኔትናያሁ ድል

እስራኤል ባካሄደችዉ ብሔራዊ ምርጫ የጠቅላይ ሚኒስትር ቤንያሚን ኔታንያሁ ሊኩድ ፓርቲ ድል እንደቀናዉ ዛሬ ማለዳ ተሰምቷል። የመራጬ ድምፅ 90 በመቶ ተቆጥሮ ባለበት ሁኔታም ከወዲሁ ሊኩድ ፓርቲ የምክር ቤቱን 30 መቀመጫዎች እንደሚይዝ ተገምቷል።

የኔንታንያሁ ተቀናቃኝ ግራ ዘመሙ የፅዮናዉያን አቀንቃኝ አይዛክ ሄርዞግ ፓርቲ በአንፃሩ 24 መቀመጫዎችን ሊያገኝ እንደሚችል ተገልጿል። ኔትንያሁ በአንዳንዶች ቢወደዱም በተቃራኒዉ ዳግም መመረጣቸዉ ለብዙዎች አስደንጋጭ ዜና ነዉ የሆነዉ። በእስራኤልና ፍልስጤም መካከል ለሚካሄደዉ የሰላም ድርድር እንደእንቅፋት የሚታዩት ኔታንያሁ በዚሁ ምክንያት በተለይ በአረቡ ዓለም እጅግም ተቀባይነት እንደሌላቸዉ ነዉ የሚነገረዉ። ኢራን የእሳቸዉ መመረጥ ምንም ለዉጥ እንዳይኖር ያደርጋል ስትል፤ የፍልስጤም መሪ ማሕሙድ አባስ በበኩላቸዉ የሁለት መንግሥት ሃሳብን ከሚቀበል የእስራኤል መንግሥት ጋ አብረዉ ለመሥራት ዝግጁ መሆናቸዉን ተናግረዋል። የኔታንያሁ ዳግም መመረጥ በአረቡ ዓለም የፈጠረዉ ስሜት ምን ይመስላል ለሚለዉ ስቱዲዮ ከመግባቴ አስቀድሜ ወደጄዳ ደዉዬ ጋዜጠኛ ነብዩ ሲራክን በአጭሩ አነጋግሬዋለሁ።

ነብዩ ሲራክ/ሸዋዬ ለገሠ

ተክሌ የኋላ

Audios and videos on the topic