1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ዓለም

የእስራኤል ሃማስ ፍጥጫ

የእስራኤል ጦር ኃይል በምዕራባዊ ዮርዳኖስ ወንዝ አካባቢ የታገቱ ሶስት ወጣት እስራኤላዉያንን ለማስለቀቅ ናቡስ የተባለችዉን ከተማና አካባቢዉን ወርሮ የተጠናከረ ፍተሻ ማካሄዱን ዘገባዎች ያመለክታሉ።

የእስራኤል መንግስት ወጣቶቹን ያገተዉ ሃማስ ነዉ ቢልም ሃማስ በበኩሉ ቀኝ አክራሪ እስራኤላዉያን ድርጊቱን በእሱ ለማሳበብና ከፋታህ ጋ ከመሠረተዉ የጥምር መንግስት ለማስወጣት አቀነባብረዉታል ሲል አጣጥሏል። የእስራኤል ወታደሮች ወደሁለት መቶ የሚገመቱ አብዛኞቹም የሃማስ አባላት የሆኑ ፍልስጤማዉያንን በዚሁ ምክንያት ማሠራቸዉን የፈረንሳይ የዜና ወኪል አመልክቷል። በፍልስጤም እስራኤል መካከል ቀጣይ የሰላም ድርድር በሚጠበቅበት በዚህ ወቅት የተፈጠረዉ ይህ አጋጣሚም አካባቢዉን ለሌላ ግጭት ጦርነት ዳርዳር እያለዉ እንደሚገኝ ሃይፋ የሚገኘዉ ዘጋቢያችን ግርማዉ አሻግሬ ገልጾልናል። ስቱዲዮ ከመግባቴ በፊት ግርማዉን በስልክ ስለሁኔታዉ አነጋግሬዋለሁ።

ግርማዉ አሻግሬ

ሸዋዬ ለገሠ

ሂሩት መለሰ

Audios and videos on the topic