1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ዓለም

የኢድ አል አድኻ አከባበር

የኢድ አል አድሐ (አረፋ) በዓል ዛሬ በመላዉ ዓለም ሙስሊሞች ዘንድ በመንፈሳዊ ሥርዓት ተከብሮ ዋለ።ከሁለቱ የሙስሊሞች ትላልቅ በዓላት አንዱ የሆነዉ የኢድ ዓል-አድሐ በዓል ዘንድሮ ሲከበር ለ1436ኛ ጊዜ ነዉ።

አውዲዮውን ያዳምጡ። 04:04

የኢድ አል አድኻ በዓል አከባበር በአዲስ አበባ ስታድዮም

በዓሉ ኢትዮጵያ ዉስጥም በድምቀት ተከብሯል ። በተለይ በአዲስ አበባ ስታድዮም በርካታ ሙስሊሞች በተገኙበት በጋራ ፀሎትና ስግደት ነው የተከበረው ። ከፀሎትና ስግደት በኋላም የአዲስ አበባ እስልምና ጉዳዮች ከፍተኛ ምክር ቤት ፕሬዝዳንት እንዲሁም የአዲስ አበባ ከንቲባ ለበዓሉ ታዳሚዎች ንግግር አድርገዋል ። ዘንድሮ በአዲስ አበባ ስታድዮም የተገኘው ሙስሊም ቁጥር ከበፊቶቹ ዓመታት ጋር ሲነፃፀር ያነሰ እንደሆነ የአዲስ አበባው ወኪላችን ጌታቸው ተድላ ኃይለ ጊዮርጊስ ዘግቧል ።የኢድ አልአድሃ በዓል የእርድ በዓል ነው ። አቅሙ ያለው ለበዓሉ በግ ወይም ከብት አርዶ ከድሆች ጋር ተካፍሎ መብላት ይጠበቅበታል ። በየቤቱ አቅም እንደፈቀደ ምግብ አዘጋጅቶ ከዘመድ ወዳጅ ከጎረቤት ጋር መብላት መጠጣትም በዚህ በዓል የተለመደ ነው ። የአዲስ አበባው ዘጋቢያችን ዮሐንስ ገብረ እግዚአብሔር በአዲስ አበባ የተለያዩ አካባቢዎች ተዘዋውሮ ያነጋገራቸው ሙስሊሞች በዓሉን ያከበሩት ድሆችንም በመርዳት ጭምር መሆኑን ተናግረዋል ። በሚሊዮኖች የሚቆጠሩ ምዕመናን በየዓመቱ የሃጂ ጉዞ በሚያደርጉባት በሳውዲ አረቢያ ዛሬ የደረሰው የሞት አደጋ በበዓሉ ላይ ጥላ አጥልቷል ። መካ አቅራቢያ በምትገኘው በሚና ከተማ በተፈጠረ መጨናነቅ ና ግፍያ ከ700 በላይ ሰዎች መሞታቸውን መንግስት አስታውቋል።

በአደጋው ከ800 በላይ ሰዎች መቁሰላቸውም ተነግሯል ። የሳውዲ መንግሥት እስካሁን የሟቾቹን ዜግነት አላሳወቀም ። ኢራን ግን 41 ዜጎቿ በአደጋው መሞታቸውን አስታውቃለች ።በሙስሊሞቹ ቅዱስ ሥፍራ መካሕና እና አካባቢዉ ሕይወት ያጠፋ አደጋ ሲደርስ ሁለት ሳምንት ባልሞላ ጊዜ ዉስጥ የዛሬዉ ሁለተኛዉ ነዉ።ከአስራ-ሁለት ቀን በፊት በታላቁ የመካሕ መስጂድ ላይ የግንባታ ክሬን ወድቆ ከአንድ መቶ አስር በላይ ሰዎች ሞተዋል።በርካቶች ቆስለዋል።ለዘንድሮዉ ሐጂ 2 ሚሊዮን ያሕል ምዕመን ለዚያራ ተጉዟል።ሳውዲ አረቢያ ስለ በዓሉ ድባብና ስለ ደረሰው አደጋ መጠን ጋዜጠኛ ነብዩ ሲራክን አነጋግረናል ። በርካታ ኢትዮጵያውያን በሚገኙበት በዋሽንግተን ኢድ አል አድሃ እንዴት እንደሚከበር መክብብ ሸዋ ዘገባ አለው ።

ጌታቸው ተድላ ኃይለ ጊዮርጊስ

ዮሐንስ ገብረ እግዚአብሔር

ነበዩ ሲራክ

መክብብ ሸዋ

ኂሩት መለሰ

አርያም ተክሌ

Audios and videos on the topic