1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ዓለም

የኢድ አልአድሀ አከባበር በአዲስ አበባ እና በሳዑዲ አረቢያ

አንድ ሺህ አራት መቶ ሠላሳ ሥምንተኛዉ የኢድ አልአድሀ በዓል በመላው ዓለም በሚገኙ ሙስሊሞች ዘንድ እየተከበረ ይገኛል፡፡ ለሐጂ ሃይማኖታዊ ጉዞና ፀሎት ወደ መካ ሳዉድ አረቢያ ከሁለት ሚሊየን የሚበልጡ ተሳላሚዎች መጓዛቸዉ ተነግሯል። እዚያም በተደረገዉ ከፍተኛ የፀጥታ የበዓሉ ሥርዓት በጥንቃቄና እርጋታ መከናወኑን ዘገባዎች ያስረዳሉ።

አውዲዮውን ያዳምጡ። 03:57

የኢድ አልአድሀ አከባበር በአዲስ አበባ

 በዘንድሮዉ የሐጂ ሃይማኖታዊ ጉዞ እና ጸሎት ወደ ሰባት ሺህ የሚሆኑ ኢትዮጵያዉያን መሳተፋቸዉን ጄዳ የሚገኘዉ ጋዜጠኛ ነብዩ ሲራክ ለዶቼ ቬለ ገልጿል። በዓሉን በዚያዉ ሳዉድ አረቢያ የሚያከብሩ ኢትዮጵያዉያን ለዶቼ ቬለ እንደገለፁት የሳዉዲ መንግሥት በዉጭ ዜጎች ላይ የጣለዉ የነፍስ ወከፍ ግብር፣ የትምህርት ቤት ክፍያ እና ሌሎች ወጪዎች የበዓል ድባባቸዉ ላይ አሉታዊ ተፅዕኖ አሳርፏል።

የሳዑዲ ዓረቢያ መንግሥት በውጭ ሀገር ዜጎች እና በቤተሰቦቻቸው ላይ በጣለው የነፍስ ወከፍ ክፍያ የተነሳ አብዛኞቹ ኢትዮጵያዊያን ልጆቻቸውን ወደ ሀገራቸዉ እየላኩ ነው፡፡  ይሁንና የኑሮን ውጣ ውረዱን ተቋቁሞ በዓሉን በተረጋጋ መንፈስ ማክበር እንደሚያስፈልግ አንድ የሃይማኖት አባት መክረዋል፡፡ ይህ በእንዲህ እንዳለም። ኢትዮጵያ ዉስጥም በተለይ በአዲስ አበባ ስታድዮም ፀጥታዉ በተጠበቀ መልኩ በዓሉ ተከብሯል። በበዓሉ ላይ የተገኙ የሃይማኖቱ መሪዎች እና የመንግሥት ኃላፊዎች በሀገሪቱ የመቻቻል ባህል እንዲጎለብት ጥሪ አቅርበዋል።

ዮሐንስ ገ/እግዚአብሔር/ነብዩ ሲራክ/ ስለሺ ሽብሩ

ሸዋዬ ለገሠ

አርያም ተክሌ

Audios and videos on the topic