1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

የኢትዮጵያውያን ተቃውሞ በብራሰልስ እና በጆሀንስበርግ

የአውሮጳ ህብረትም ለኢትዮጵያ መንግሥት የሚሰጠውን እርዳታ ዳግም እንዲመረምር ለህብረቱ የውጭ ጉዳዮች ሃላፊ ፌደሪካ ሞጎሮኒ በሰጡት ደብዳቤ ጠይቀዋል ።

አውዲዮውን ያዳምጡ። 03:21

ተቃውሞ በብራሰልስ

ኢትዮጵያውያን ዛሬ በአውሮፓ ህብረት መቀመጫ ብራሰል በኢትዮጵያ በአማራ እና በኦሮምያ ክልሎች ለሚካሄዱት ተቃውሞዎች ድጋፋቸውን የገለፁበት ሰላማዊ ሰልፍ አካሄዱ ። ሰልፈኞቹ የኢትዮጵያ መንግሥት ባለፈው ሰሞን በሰላማዊ የተቃውሞ ሰልፈኞች ላይ የወሰዳቸውን እርምጃዎች አውግዘው የአውሮጳ ህብረትም ለኢትዮጵያ መንግሥት የሚሰጠውን እርዳታ ዳግም እንዲመረምር ለህብረቱ የውጭ ጉዳዮች ሃላፊ ፌደሪካ ሞጎሮኒ በሰጡት ደብዳቤ ጠይቀዋል ። በደቡብ አፍሪቃ የሚኖሩ ኢትዮጵያውያን ደግሞ መንግሥት በዜጎቹ ላይ ይፈጽማል ያሉትን የሰብዓዊ መብት ረገጣ በመቃወም ትናንት ጆሃንስበርግ ውስጥ ሰላማዊ ሰልፍ አካሂደዋል ። በሰላማዊ ሰልፍ ላይ ከተሰሙት መፈልክሮች መካከል ፣« የኦሮሞን ተቃውሞ እንደግፋለን» ፣ «የአማራን ተቃውሞ እንደግፋለን» የሚሉት ይገኙበታል ። የሰልፉ ተካፋዮች ጆሃንስበርግ ለሚገኘው ወኪላችን መላኩ አየለ እንደተናገሩት የሰልፉ ዓላማ በኢትዮጵያ ህዝብ ላይ የሚፈጽመው የመብት ረገጣ እንዲቆም መጠየቅ ፣ እንዲሁም ችግሩን ለደቡብ አፍሪቃ መንግሥት እና እዚያ ለሚገኙ ዲፕሎማቶች ማሳወቅ ነው ። የብራሰልሱን ሰልፍ የተከታተለው የብራሰልሱ ዘጋቢያችንን ገበያው ንጉሴን በስልክ አነጋግሬዋለሁ ። ስለጆሀንስበርጉ ሰልፍ ደግሞ መላኩ አየለ ዘገባ ያቀርብልናል ።

ገበያው ንጉሴ
መላኩ አየለ
ኂሩት መለሰ
ሸዋዬ ለገሠ

Audios and videos on the topic