1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

የኢትዮጵያና የደቡብ ኮርያ ግንኙነት

ባለፈዉ ሳምንት የምስራቅ አፍሪቃ ጉብኝታቸዉን ከኢትዮጵያ የጀመሩት የደቡብ ኮርያ ፕሬዚዳንት ፓርክ ጌዩን ሄ አፍሪቃ ሰሜን ኮርያን ከኒኩልየር ነፃ ለማድረግ በሚደረገዉ ጥረት ከዓለም አቀፉ ማኅበረሰብ ጎን እንድትቆም መጠየቃቸዉ ይታወቃል። ፕሬዚዳንቷ ይህን የተናገሩት በአፍሪቃ ኅብረት አዳራሽ ተገኝተዉ ባደረጉት ንግግር ነበር።

አውዲዮውን ያዳምጡ። 03:18

የደቡብ ኮርያ ፕሬዚዳንት የአፍሪቃ ጉብኝት


ፕሬዚዳንት ፓርክ መንግሥታቸዉ ጥቃትንና ጽንፈኝነትን ለመታገል ከአፍሪቃ ሃገራት ጋር እንደሚሰራም ገልፀዋል። ፕሬዚዳንት ፓርክ ደቡብ ኮርያ « የአፍሪቃ ወዳጅ » እንድትሆን እንደሚሰሩና የልማት ግንኙነትን በተመለከተ በንግድ በትምህርት እንዲሁም ባህላዊ ትስስር የአፍሪካ-ደቡብ ኮሪያን ግንኙነት ያሳድጋል የሚል ተስፋ የጣሉበትን ንድፍም ማቅረባቸዉ ይታወቃል። የረጅም ጊዜ ታሪክ ያላቸዉ ደቡብ ኮርያና ኢትዮጵያ በተለይ በፕሬዚዳንትዋ ጉብኝት ይበልጥ መጠናከሩ ነዉ የተመለከተዉ። ከ 65 ዓመት በፊት በኮርያ በነበረዉ ጦርነት ኢትዮጵያዉያን አርበኞች በመንግስታቱ ድርጅት ጦር ኃይል ሥር ተሳታፊ መሆናቸዉ ይታወቃል። የደቡብ ኮርያ መንግሥት ዛሬ ከ 65 ዓመት በኋላ እነዚህን አባት ጡረተኞች እየረዳ መሆኑም ነዉ የተነገረዉ። የአዲስ አበባዉ ወኪላችን የኮርያ ዘማች አርበኞች ማኅበር ፕሬዚዳንትን አነጋግሮ ዘገባ ልኮልናል።

ጌታቸዉ ተድላ ኃይለጊዮርጊስ


አዜብ ታደሰ
አርያም ተክሌ

Audios and videos on the topic