1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ዓለም

የኢራቅ መንግስት ሞሱልን መቆጣጠሩን አስታወቀ

የኢራቅ መንግስት ራሱን እስላማዊ መንግስት ብሎ የሚጠራው ታጣቂ ቡድን ጠንካራ ምሽግ ነው የሚባለውን የሞሱልን ከተማ ነጻ መውጣቱን ይፋ አደረገ፡፡ የኢራቅ ጠቅላይ ሚኒስትር ሃይደር አል አባዲ ሞሱል ድረስ በመጓዝ ወታደሮቻቸውን “እንኳን ደስ አላችሁ” ብለዋል፡፡ 

የኢራቅ መንግስት የሞሱል ከተማን በድጋሚ ለመቆጣጠር ዘመቻ የከፈተችው ባለፈው ጥቅምት ወር ነበር፡፡ የኢራቅ ጦር ስድስተኛ ክፍለጦር መሪ ሌተናል ጃሲም ኒዛል እንደተናገሩት የእርሳቸው ወታደሮች ድል አድርገዋል፡፡ ወታደሮቹ በታንኮች ላይ ሆነው ድላቸውን  በዳንስ እና በዘፈን በሚገልጹበት ወቅት በአቅራቢያቸው የአየር ጥቃት መቀጠሉን አሶሴትድ ፕሬስ ከስፍራው ዘግቧል፡፡ እንደ የፈረንሳይ ዜና አገልግሎት ዘገባ ጠቅላይ ሚኒስትር አባዲ የሞሱልን በድጋሚ በቁጥጥር ስር መዋል ለማወጅ በቦታው በተገኙት ወቅት እንኳ ውጊያ ይካሄድ ነበር፡፡ 
በሞሱል በመንግስት ወታደሮች እና ታጣቂዎቹ መካከል ወራትን የፈጀው ከባድ ውጊያ በርካቶችን ለሞት የዳረገ ሲሆን 900 ሺህ ገደማ ነዋሪዎችን ከቤት ንብረታቸው አፈናቅሏል፡፡ የሞሱል አብዛኛው ክፍል እና በዙሪያ ገባው ያሉ አካባቢዎቹን በውጊያው መውደማቸውን የዜና ዘገባዎች ጠቁመዋል፡፡ 

ተስፋለም ወልደየስ

ልደት አበበ