1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አፍሪቃ

የአፍሪቃ ኅብረት እና ጀርመን የሁለትዮሽ የምክክር መድረክ

ለአፍሪካ ልማት አዲስ አጋርነት (NEPAD) በኩል ገቢራዊ የሚሆነውን ክኅሎት ለአፍሪቃ የተባለ መርኃ-ግብር (Skills Initiative for Africa) በገንዘብ እንደምትደግፍም ጀርመን አረጋግጣለች።

አውዲዮውን ያዳምጡ። 04:09

የአፍሪቃ ኅብረት እና የጀርመን ትብብር


አፍሪቃ በፍጥነት እያደገ ለመጣው ወጣት የሕዝብ ቁጥሯ በቂ የሥራ እድል መፍጠር እንድትችል ጀርመን እገዛ እንደምታደርግ አስታወቀች። ለአፍሪካ ልማት አዲስ አጋርነት በእንግሊዘኛ ምኅጻሩ (NEPAD) በኩል ገቢራዊ የሚሆነውን ክኅሎት ለአፍሪቃ የተባለ መርኃ-ግብር (Skills Initiative for Africa) በገንዘብ እንደምትደግፍም ጀርመን አረጋግጣለች። ክኅሎት ለአፍሪቃ የተባለው መርኃ-ግብር በቴክኒክ ሥልጠናና ትምህርት ላይ ያተኩራል። በዚህ መርኃ ግብር መሰረት የገንዘብ ድጎማ የሚያገኙት የግል ኩባንያዎች፤ የቴክኒክ፤ የሙያ፤ የትምህርት እና የሥልጠና ማዕከላት ናቸው። የአፍሪቃ ኅብረት ድረ-ገፅ ላይ የወጣ መግለጫ እንደሚጠቁመው ከተመረጡ አገራት የመንግሥት ተቋማትም በመርኃ-ግብሩ መሰረት የገንዘብ ድጋፍ ያገኛሉ። የተመረጡት አገራት ደቡብ አፍሪቃ፤ ኬንያ፤ቱኒዝያ፤ካሜሩን እና ናይጄሪያ ናቸው። የኤኮኖሚ ሽግግር፤ የወጣቶችን ክኅሎትን ማሳደግ፤ የተሻለ መሰረተ-ልማት እና ለአፍሪቃ የንግድ ትሥሥር የሚያገለግል ግዙፍ ገበያ ለወጣቶች ተስፋን ለመፍጠር እና ፍልሰትን ለመግታት ሁነኛ መንገዶች ናቸው ተብሏል። 
ጌታቸው ተድላ ኃይለጊዮርጊስ
እሸቴ በቀለ
ነጋሽ መሐመድ 

Audios and videos on the topic