1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አውሮጳ/ጀርመን

የአፍሪቃ ቀንድ ፖለቲካ ላይ ያተኮረው የአውሮጳ ስብሰባ

ትናንት በብራስልስ የተካሔደው የአውሮጳ ኅብረት የውጭ ጉዳይ ምክር ቤት ስብሰባ ከአፍሪቃ ጋር በሚኖረው ግንኙነት ላይ እና በአፍሪቃ ቀንድ የፖለቲካ አለመረጋጋት ላይ ትኩረት ሰጥቶ መክሯል።

አውዲዮውን ያዳምጡ። 03:36

የአውሮጳ ሚንስትሮች ስብሰባ

ስብሰባውን የመሩት የአውሮጳ ኅብረት የውጭ ጉዳይ ኃላፊ ወ/ሮ ፌዴሬካ ሞግሔሪኒ ከአፍሪቃ ጋር የሚኖረው ግንኙነት ከተለመደው የእርዳታ ሰጪ እና ተቀባይነት ይልቅ ወደ አጋርነት ማደጉን ገልጠዋል። የፀረ-ሽብር ዘመቻንና ስደተኞችን ለመቆጣጠር  የአዉሮጳ ኅብረት አባል ሃገራት ከአፍሪቃ ኅብረት ጋር በቅርርብ መስራት እንደሚፈልጉ ተገለፀ። የአዉሮጳ ሕብረት አባል ሃገራት የዉጭ ጉዳይ ሚኒስትሮች ትናንት ብረስልስ ላይ ባካሄዱት ስብሰባ  የኅብረቱ የዉጭ ጉዳይ ኃላፊ ፌዴሪካ ሞጎገሪኒ ስደተኞች ወደ አዉሮጳ ብቻ ሳይሆን ወደ አፍሪቃ ሃገራትም ይፈልሳሉ ሲሉ ተናግረዋል።በዚህም ምክንያት አዉሮጳና አፍሪቃ ለጋራ ፍላጎት፤ ለተጠናከረ ደኅንነት እንዲሁም የስደተኝነት ምንጭን በጋራ መዋጋት ያስፈልጋል ሲሉ ሞጎሮኒ ተናግረዋል። ብራስልስን በመጎብኘት ላይ የሚገኙት የአፍሪቃ ኅብረት ኮሚሽን ፕሬዝደንት ሙሳ ፋኪ ማሕማት ከወ/ሮ ሞግሔሪኒ ጋር ባወጡት መግለጫ በአይቮሪ ኮስት በሚካሔደው የአውሮጳ እና አፍሪቃ የመሪዎች ጉባኤ ላይ በጋራ እንደሚሰሩ ገልጠዋል። የአቢጃኑ ጉባኤ የወጣቶችን የሥራ እድሎች ማሥፋት በሚቻልባቸው መርኃ-ግብሮች ላይ ያተኩራል ተብሏል። 


ገበያው ንጉሴ 


እሸቴ በቀለ
ነጋሽ መሐመድ 

Audios and videos on the topic