1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

አውሮጳ/ጀርመን

የ«አይ ኤስ» የጭካኔ ተግባር እና የብሪታንያ ውግዘት

ራሱን «አይ ኤስ» ወይም እስላማዊ መንግሥት ብሎ የሚጠራው ፅንፈኛ ቡድን ከአንድ ዓመት በፊት በሶርያ አግቶት የነበረውን የ47 ዓመት እንግሊዛዊ አለን ሄኒንግን አንገት ቀልቶ መግደሉን የሀገሪቱ መገናኛ ብዙኃን በጥብቅ በማውገዝ የብሪታንያ መንግሥት በቡድኑ እና በሀገሪቱ አሉ በሚባሉ የቡድኑ ደጋፊዎች ላይ የማያዳግም ርምጃ እንዲወስዱ ጠይቀዋል።

በብሪታንያ የሚኖሩ ሙስሊሞችም የበጎ አድራጎት ስራ ለማከናወን ወደ ሶርያ ተጉዞ የነበረው ሄኒንግን እንዳይገደል ፅንፈኛውን ቡድን ቢማፀኑም፣ ሰሚ ሳያገኙ ነበር የቀረው።ቡድኑ ይህንን አስከፊ የጭካኔ ተግባር የፈፀመው የብሪታንያ የጦር አይሮፕላኖች በ«አይ ኤስ» ወይም በእስላማዊ መንግሥት አንፃር በዩኤስ መሪነት በተጀመረው የጥቃት ዘመቻ መሳተፍ ከጀመረ በኋላ ነበር። ሄኒንግ ቡድኑ ካለፉት ጥቂት ሳምንታት ወዲህ አንገታቸውን ቀልቶ የገደላቸው ሶስተኛው የምዕራቡ ዓለም ተወላጅ ነበሩ።

ድልነሳ ጌታነህ

አርያም ተክሌ

ሸዋዬ ለገሠ

Audios and videos on the topic