የአውሮጳ ህብረት፣ ሩስያ እና ዩክሬይን | ዓለም | DW | 06.03.2014
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ዓለም

የአውሮጳ ህብረት፣ ሩስያ እና ዩክሬይን

የአውሮጳ ህብረት አባል ሀገራት ርዕሳነ ብሔር እና መራሕያነ መንግሥት ስርጭታችን ይተላለፍ በነበረበት ጊዜ በብራስልስ ተገናኝተው ስለ ዩክሬይን ውዝግብ እየመከሩ ነበር። በዚሁ መሪዎቹ በጠሩት ልዩ ጉባዔ ላይ ሩስያ ህገ ወጥ የምትለው፣ አውሮጳውያኑ ግን ዕውቅና የሰጡት የዩክሬይን የሽግግር መንግሥት ጠቅላይ ሚንስትር አርሰኒ ያዜንዩክ ተገኝተዋል።

አውሮጳውያኑ መሪዎች ዓለም አቀፍ ህግን በመጣስ የዩክሬይንን የክሪሚያ ግዛት ይዛለች ባሏት ሩስያ ላይ አሳማኝ እና አንድ የሆነ ርምጃ ለመውሰድ የሚችሉበትን መንገድ ለማፈላለግ ነው የተሰበሰቡት። ግን በመሪዎቹ መካከል የሀሳብ ልዩነት መኖሩ እንደታየ ነው የሰማነው። አንዳንዶች ጀርመን እና ኢጣልያን የመሳሰሉ ሀገራት ዲፕሎማሲያዊውን መንገድ ማስቀደም ሲፈልጉ፣ ሌሎች በተለይ ከሩስያ ጋ የተጎራበቱት ሀገራት በሩስያ አንፃር ጠንካራ ርምጃ እንዲወሰድ ይመርጣሉ። ጉባዔውን እየተከታተለ ያለውን የብራስልስ ወኪላችን ገበያው ንጉሤን ከልዩ ጉባዔው ምን ዓይነት ውጤት እንደሚጠበቅ ከስቱድዮ በቀጥታ በስልክ ጠይቄው ነበር፣ ቀጣዩን ማብራሪያ ሰጥቶኛል።

ገበያው ንጉሤ

አርያም ተክሌ

ሂሩት መለሰ

Audios and videos on the topic