የአባይ ግድብ የግብፅ ተቃውሞና የኢትዮጵያ መልስ | ኢትዮጵያ | DW | 12.06.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ኢትዮጵያ

የአባይ ግድብ የግብፅ ተቃውሞና የኢትዮጵያ መልስ

የኢትዮጵያ ውጭ ጉዳይ ሚኒስቴር ቃል አቀባይ አምባሳደር ዲና ሙፍቲ ዛሬ ኢትዮጵያ ዓለም ዓቀፉ የግድቡ አጥኚዎች ቡድን ያቀረበውን የጥናት ውጤት እንደገና የመከለስም ሆነ የግድቡን ሥራ የማስቆም ሃሳብ እንደሌላት ለዶቼቬለ ተናግረዋል ።

default

ኢትዮጵያ በአባይ ወንዝ ላይ የምትገነባውን ግድብ ማንም እንደማያስቆማት አስታወቀች ። የግብፅ መሪዎች በተደጋጋሚ የሚሰነዝሩት ዛቻም ትኩረቷን እንደማያስቀይርና በግድቡ ሥራ ላይም እንደማትደራደር አስታውቃለች ። የኢትዮጵያ ውጭ ጉዳይ ሚኒስቴር ቃል አቀባይ አምባሳደር ዲና ሙፍቲ ዛሬ ኢትዮጵያ ዓለም ዓቀፉ የግድቡ አጥኚዎች ቡድን ያቀረበውን የጥናት ውጤት እንደገና የመከለስም ሆነ የግድቡን ሥራ የማስቆም ሃሳብ እንደሌላት ለዶቼቬለ ተናግረዋል ። አምባሳደሩ የግብፅ ማስጠንቀቂያ ፣ በግብፅ ውስጥ ያለውን የፖለቲካ ችግር ለማስቀየስ ታስቦ የሚደረግ ካልሆነ በስተቀር ለሁለቱም ሃገራት አይጠቅምም ብለዋል ። በሌላ በኩል ግብፅና ኢትዮጵያ በአባይ ውሃ የጋራ አጠቃቀም ሰበብ የገጠሙትን ውዝግብ በመነጋገር እንዲፈቱ የአፍሪቃ ህብረት ጠይቋል ። አምባሳደሩ ግን እስካሁን በዚህ በኩል ምንም የተጀመረ ነገር እንደሌለ አስታውቀዋል ። ያነጋገራቸው ጌታቸው ተድላ ኃይለ ጊዮርጊስ ከአዲስ አበባ ቀጣዩን ዘገባ ልኮልናል ።
ጌታቸው ተድላ ኃይለ ጊዮርጊስ
ሂሩት መለሰ
ነጋሽ መሐመድ

Audios and videos on the topic