የአሜሪካን ፊልም እና የሙስሊሞች ተቃዉሞ | ዓለም | DW | 13.09.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

ዓለም

የአሜሪካን ፊልም እና የሙስሊሞች ተቃዉሞ

ነብዩ መሐመድን የሚያንቋሽሸዉ የአሜሪካ ፊልም መሠራጨቱ ያስቆጣዉ ሙስሊም አሜሪካን መቃወሙን እንደቀጠለ ነዉ።ትናንት ካይሮ፥ ቱኒስ፥ ራባትና ካርቱም አደባባዮች የወጣዉ ሕዝብ የአሜሪካ ኤምባሲዎችን ከብቦ የአሜሪካን ባንዲራ እያቃጠለ አሜሪካን ሲያወግዝ ነዉ የዋለዉ።

default

የአሜሪካን ፊልም እና የሙስሊሞችተቃዉሞዉ

ነብዩ መሐመድን የሚያንቋሽሸዉ የአሜሪካ ፊልም መሠራጨቱ ያስቆጣዉ ሙስሊም አሜሪካን መቃወሙን እንደቀጠለ ነዉ።ትናንት ካይሮ፥ ቱኒስ፥ ራባትና ካርቱም አደባባዮች የወጣዉ ሕዝብ የአሜሪካ ኤምባሲዎችን ከብቦ የአሜሪካን ባንዲራ እያቃጠለ አሜሪካን ሲያወግዝ ነዉ የዋለዉ።በተለይ ካይሮና ቱኒስ አደባባይ የወጣዉ ሕዝብ ወደ የአሜሪካ ኤምባሲ ቅጥር ግቢዎች ገብቶ አደጋ ለመጣል ሲሞክር በፖሊስ ሐይል ታግዷል።ዛሬ ብራስልስ ዉስጥ የአዉሮጳ ሕብረት ኮሚሽን ፕሬዝዳት ማኑኤል ባሮሶን ጨምሮ የሕብረቱን ባለሥልጣናት ያነጋገሩት የግብፁ ፕሬዝዳት መሐመድ ሙርሲይ በበኩላቸዉ አወዛጋቢዉን ፊልም የሠሩና ያሰራጩትን ወገኖች አዉግዘዋል።«ይሕ ነብያችንን የሚያንቋሽሸዉ ፊልም ግብፅ ዉስጥና በመላዉ የዓረብ ዓለም ታላቅ ቁጣን ቀስቅሷል።እንዲሕ አይነቱን ጠብ አጫሪነትና ጥላቻን በዓለም የሚነዙ ወገኖችን አጥብቀን እንቃወማለን።»ፕሬዝዳት ሙርሲያ በአሜሪካ የግብፅ ኤምባሲ ፊልሙን የሰሩና ያሰራጩ ወገኖችን እንዲከስ ማዘዛቸዉም ተዘግቧል።ፕሬዝዳንቱ የዚያኑ ያክል ፊልሙን በመቃወም አደባባይ የወጣዉ ሕዝብ ሰዉና ንብረትን ከመተናኮል እንዲታቀብ አደራ ብለዋል። ዛሬ የቴሕራን-ኢራንና የሠነዓ-የመን ነዋሪዎች አደባባይ ወጥተዉ አሜሪካን ሲያወግዙ ነዉ የዋሉት።አንድ የኢራቅ ደፈጣ ተዋጊ ቡድን በበኩሉ ኢራቅ የሚገኙ የአሜሪካ ጥቅሞችን ለማጥቃት ዝቷል።ፊልሙ ሕዝባዊ ቁጣና ረብሻ ይቀሰቅሳል ብሎ የፈራዉ የአፍቃኒስታን መንግሥት ደግሞ ፊልሙን የሚያሰራጨዉን ዩ-ቱዩብ የተሰኘዉን አምደ መረብ ዘግቷል።

ነብዩ ሲራክ

አዜብ ታደሰ

ሂሩት መለሰ

Audios and videos on the topic